Америка дөләт мәҗлисидә “хитайниң йәр шари учур бошлуқи шәкилләндүрүш истратегийәси” һәққидә муназирә елип берилған

Вашингтондин мухбиримиз уйғар тәйярлиди
2023.12.01

Америка-хитай истратегийәлик риқабәт пәвқуладдә комитети торидики мәхсус хәвәргә асасланғанда, 2023-йили 11-айниң 30 -күни америка-хитай истратегийәлик риқабәт пәвқуладдә комитетида ечилған бир испат аңлаш йиғинида “хитай компартийәсиниң йәр шари учур бошлуқи шәкилләндүрүш истратегийәси” һәққидә муназирә болған.

Бу муназиригә авам палата әзалиридин майк галлагер вә раҗа кришнамоорси қатарлиқлар қатнишип пикир баян қилған. Улар хитай компартийәсиниң тик-ток қатарлиқ иҗтимаий таратқу васитилиридин пайдилинип, америка хәлқниң мәнпәәтигә зиянлиқ һәрикәтләрни елип бериватқанлиқи, болупму  американиң демократик системисидин  пайдилинип, америка җамаәт пикрини өзгәртишкә бәкрәк күчәватқанлиқини оттуриға қоюлған, шундақла буниң алдини елишниң зөрүрлүкини илгири сүргән. 

 Австралийә истратегийәлик сиясәт тәтқиқат институтидин җон гарнавут, худсон институтидин доктор миллес йүве,  әркинлик сарийидин якю ваң ханим йиғинға қатнишип гуваһлиқ бәргән.

Йеқинда австралийә истратегийәлик сиясәт тәтқиқат институти “чәт әллик тор чолпанлириниң хитайниң тәшвиқат системисидики роли” намлиқ бир доклат елан қилған. Бу доклатта хитай һөкүмитиниң бир қисим аталмиш тор чолпанлирини өзиниң рәзил тәшвиқати үчүн қолланғанлиқи һәққидә тәпсилий учур бәргән.

 Америка дөләт мәҗлисидә өткүзүлгән бүгүнки испат аңлаш йиғинида австралийә истратегийәлик сиясәт тәтқиқат институтидин җон гарнавут “чәт әллик тор чолпанлириниң хитайниң тәшвиқат системисидики роли” һәққидә йиғин әһлигә гуваһлиқ бәргән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.