Уйғур елида зәһәрлик чекимликкә четилидиған делолар йәнә көпәйгән

Мухбиримиз ирадә
2015-09-10
Share

Уйғур ели сақчи даирилири уйғур елида зәһәрлик чекимликкә четилидиған делоларниң тез көпийиватқанлиқини вә буниңға дәрһал зәрбә берилиши керәкликини билдүргән.

Шинхуа агентлиқиниң хәвәр қилишичә, уйғур ели зәһәрлик чекимликкә қарши туруш комитетиниң башлиқи шуң шуәнго баянатида, зәһәр әткәсчилики, зәһәр истимали вә зәһәрлик чекимлик содисини нишан қилған бир қанчә һәрикәтләрниң елип берилғанлиқини, бу йил биринчи айдин-8 -айғичә болған қисқиғинә арилиқта зәһәрлик чекимликкә четилидиған дело санида 11 пирсәнт артиш болғанлиқини билдүргән.

Мәлум болушичә, бу һәрикәтләр җәрянида 1 тоннидин артуқ зәһәр қолға чүшкән, 1622 нәпәр җинайәт гумандарини қолға алған. Бундин башқа даириләр йәнә 9506 нәпәр зәһәр чәккүчиләрни ениқлап чиққан. Мәлум болушичә, уларниң йеримидин көпрәки йеңидин зәһәрлик чекимлик чәккәнләр болуп, сақчи даирилири 2000 нәпәрдин артуқ зәһәр чәккүчиниң зәһәр ташлаш орунлириға әвәтилгәнликини билдүргән.

Уйғур ели сақчи даирилири зәһәр чәккүчиләрниң санини контрол астиға елиниши керәкликини тәкитлигән.

Уйғур ели хитайдики зәһәрлик чекимлик вә әйдиз кесәлликиниң ямраш әһвали әң еғир җайларниң бири. Чәтәлләрдики мутәхәссисләр буниңға нурғунлиған иҗтимаий, иқтисадий амилларниң йенида уйғурларниң сиясий вәзийитиниңму муһим рол ойнаватқанлиқини илгири сүриду.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт