Адрян зенз: “хитай һөкүмити бир милйон уйғурни ясап чиққан!”

Хитай һөкүмити өткән һәптә өзлириниң әң йеңи нопус статистикисини елан қилғандин кейин, уларниң 2020-йили “уйғурларниң омумий нопуси 12.7 Милйон” дегән баянлириниң ялған икәнлики мәлум болди. Вашингтон шәһиридики “коммунизм қурбанлири хатирә фонди” ниң тәтқиқатчиси, доктор адрян зенз бу һәқтики учурларни омумлаштуруп “хитай һөкүмити ялғандин бир милйон уйғурниң сани һәққидики учурларни ясап чиққан” дегән.

У өзиниң тиветтер бетидә 15-июн күни елан қилинған бу һәқтики чатма учурлирида бу ялғанчилиқни паш қилди. Униңда көрситилишичә, 2018-йили хитайларниң нопуси тоққуз милйон болған, әмма бу сан 2020-йилиға кәлгәндә бирдинла 10.92 Милйонға чиқип қалған. Шу йили уйғурларниң нопуси 11.5 Йерим милйон болған. Бу районға көчмән болуп кәлгән хитайлардин бир милйондин артуқрақ кишиниң нопусини хитай һөкүмити ғәрәзлик һалда “‍уйғурларниң нопус җәһәттики көпийиши” гә испат қилиш үчүн уйғурларниң нопусиға қошувәткән һәмдә уйғурларниң нопуси һазир 12.7 Милйонға йәтти, дәп тәшвиқ қилған.

Адрян зенз хитай һөкүмити елан қилған бу һәқтики доклатларни селиштуруп чиқип “2020-йили шинҗаң райони бойичә икки милйон нопус көпәйгән. Бу икки милйон нопус пүтүнләй хитай нопусидики көпийиштур” дәп көрсәтти.

Буни бесиш арқилиқ, пикриңизни йезиң

• Принт
• Һәмбәһр
• Әвәтиш

Барлиқ пикир - баянларни көрүш.

• Бүгүнки аңлитиш
• Илгирики аңлитишлар