Қәшқәр конашәһәрдә зор көләмлик "давалаш мәркизи" қурулушиға ул селиниши диққәт қозғиди

Мухбиримиз ирадә
2020-11-19
Share

Хитай һөкүмити қәшқәр конашәһәрдә башлиған вирус юқуминиң контрол астиға елинғанлиқини илгири сүрүватқан бир пәйттә, қәшқәрдә зор көләмлик бир давалаш мәркизи қурулушиға ул селиниши диққәт қозғиди.

Хитайниң "тәңритағ" ториниң хәвиридин мәлум болушичә, "җәнубий шинҗаң районлуқ давалаш мәркизи" дәп нам берилгән бу зор көләмлик қурулуш 11-айниң 18-күни қәшқәр вилайити конашәһәр наһийәсиниң оғисақ базирида өткүзүлгән ул селиш мурасими билән башланған.

Хәвәрдә ейтилишичә, "җәнубий шинҗаң районлуқ давалаш мәркизи" дәп аталған бу қурулуш юқумлуқ кесәлликләр дохтурханиси райони, универсал дохтурхана райони, өпкә дохтурханиси вә хизмәтчиләр олтурақ районидин ибарәт төт район бойичә селинидиған болуп, униң "җәнубтики төт вилайәт бир областтики юқумлуқ кесәлликләрниң давалаш мулазимәт сәвийисини өстүрүп, йәрликтики кишиләрниң давалаш еһтияҗини техиму яхши қандуридиғанлиқи" илгири сүрүлгән.

Хитай даирилири йеқиндин буян уйғур елидә вирус юқуми һәққидә гуманлиқ санлиқ мәлуматларни елан қилип, юқумниң һәқиқий вәзийитини хәлқарадин қаттиқ йошуруватқан бир шараитта бундақ давалаш мәркизи қуруши диққәт қозғиди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт