Pelsepe doktori abduréhim tursun hem uning "Deslepki ottura esir Uyghurlirining pelsepiwi pikirliri" namliq kitabidin ariyiler

Ixtiyariy muxbirimiz oyghan
2013-10-13
Élxet
Pikir
Share
Print
Abdurehim tursunning 2002-yili, qirghizistan "Ilim" neshriyati neshr qilghan rus tilidiki kitabi "Deslepki ottura esirlerdiki Uyghurlarning pelsepiwi pikirliri".
Abdurehim tursunning 2002-yili, qirghizistan "Ilim" neshriyati neshr qilghan rus tilidiki kitabi "Deslepki ottura esirlerdiki Uyghurlarning pelsepiwi pikirliri".
RFA

Uyghurlarning ötmüsh tarixidiki muhim dewirlerning biri - islamiyettin ilgiriki, yeni buddizm dewridiki tilini, tarixini, medeniyitini, örp - adetlirini, éghiz we yazma yadikarliqlirini, pelsepiwi közqarashlirini chongqur we keng da'iride tetqiq qilish muhim ehmiyetke igidur.

Shuni alahide tekitlesh kérekki, bu atalghan saheler dayim bir - biri bilen zich baghlan'ghan halda tereqqiy etken. Jümlidin Uyghurshunasliq ilmida hazirghiche téxi mukemmel tetqiq qilinmighan témilarning biri deslepki ottura esir Uyghurlirining pelsepiwi pikirliri tarixini bashqimu saheler bilen bir qatarda sistémiliq hem ilmiy yönilishte tetqiq qilishning zörür ikenliki melumdur. Bu jehette pelsepe doktori merhum abduréhim tursun özining 2002 - yili alahide kitab bolup neshr qilin'ghan "Deslepki ottura esir Uyghurlirining pelsepiwi pikirliri" mawzuluq ilmiy emgikide Uyghurlarning buddizm dewridiki ijtima'iy, siyasiy, exlaq, éstétik, tebi'et qarishi qatarliq dunya qarashlirini ilmiy jehette analiz qilish jeryanida Uyghurlarning éghiz we yazma edebiyati, diniy étiqadliri, tibabiti we kaléndarchiliq en'enilirige a'it matériyallarni chongqur ögen'gen we tetqiq qilghan.

Töwende "Deslepki ottura esir Uyghurlirining pelsepiwi pikirliri" mawzuluq kitabning ayrim parchilirining mezmunliri bilen tonushisiler.

Toluq bet