1944 - Yili, 7 - noyabir küni tang seherdiki 1 - pay oq (4)

Muxbirimiz ümidwar
2013-11-13
Élxet
Pikir
Share
Print
Sabiq milliy armiye mayori xemit kenjibayef.
Sabiq milliy armiye mayori xemit kenjibayef.
RFA

91 Yashliq tarixiy shahid, sabiq milliy armiye bash qomandanliq shitabining ofitséri, mayor xemit kenjibayéf öz eslimiliride 1944 - yili, 7 - noyabir küni inqilabning 1 - pay oqi étilghan weqelerni eslep ötti.

Buningdin 69 yil ilgiriki 11 - ayning 6 - künidin 12 - künigiche bolghan ariliqta ghulja xelqi qozghilip, ilgiri - kéyin ghulja shehirining köp qisimini azad qilip, 12 - noyabir küni sherqiy türkistan jumhuriyiti waqitliq hökümitini qurghan idi.

7 - Noyabir küni tang seherde abdukérim abbasof bashlighan bir guruppa ili saqchi idarisining bashliqi lyu bindéni étip öltürüsh bilen qozghilang bashlandi.

Tarixiy melumatlargha asaslan'ghanda, 1944 - yili, 4 - ayda ghuljida qurulghan mexpiy "Azadliq teshkilati" teripidin 10 - ayda sowét ittipaqigha qoral élip kélish üchün ewetilgen abdukérim abbasof 6 - noyabir küni pétir aléksandrop bashchiliqidiki bir qisim partizanlarni bashlap, mexpiy halda ghuljigha yétip kélip, ghulja shehiridiki üch derwaza qatarliq jaylargha orunlishidu. Shu küni tang seherde azadliq teshkilatining ezaliri bilen birlikte qozghilanggha qomandanliq qilish shitabi qurulidu. Deslepki qozghilang shitabi boyiche abdukérim abbasofqa ili saqchi idarisining bashliqi, shéng shisey we gomindangning Uyghur qatarliq her millet zatlirini tutqun qilish we ölturushide xizmet körsetken lyu bindéni öltürüsh buyruqi béridu.

Abdukérim abbasof özi bilen ikki yardemchisini bashlap, lyu bindé turghan öyning aldigha bérip, uni tutush we yaki öltürüsh opératsiyisige kirishidu. Netijide, u bashlighan guruppa lyu bindéni neq meydanda yoqitish bilen ghulja qozghilingining 1 - pay oqini étip, 1944 - 1949 - yilliridiki milliy azadliq herikitining muqeddimisini achidu.

Pikirler (0)
Share
Toluq bet