Атақлиқ музикант вә сабиқ миллий армийә җәңчиси мусаҗан розиниң миллий армийә әслимилири (1)

Һаҗи қутлуқ қадири тәйярлиди
2014.11.02
uch-wilayet-jumhuriyet-jengchisi.jpg Шәрқий түркистан җумһурийити җәңчиси
RFA/Qutluq


Уйғур хәлқиниң атақлиқ музиканти, пешқәдәм музика устази мусаҗан рози бу йил 90 яшқа кирди. Мусаҗан рози қабил вә талантлиқ музикант болупла қалмастин бәлки 1944 - 1949 - йиллиридики дағдуғилиқ миллий азадлиқ инқилабиниң иштракчиси, миллий армийәниң батур плимотчиси сүпитидә җәңләргә қатнишип, батурлуқ көрсәткән қәһриман җәңчи иди.

Униң әслишичә, у һәрәмбағ, дахеяңзи, йәнсихәй вә шихо җәңлиригә қатнашқан, манас дәряси бойидики алдинқи сәптә мудапиәдә турған. У, бу җәрянда нурғун вәқәләргә шаһид болған, шәрқий түркистан җумһурийити рәиси әлихан төрә, миллий армийә баш қомандани генерал палинов қатарлиқ мәшһур шәхсләр билән учрашқан.

Мусаҗан рози ғулҗа уйғур яшлирини асас қилип қурулған пиядиләр 4 - полкиниң пилимотчиси иди. Мәзкур полк миллий армийәниң әң җәңгивар вә қәһриман пиядә қисими иди.

Мусаҗан рози таки 1948 - йилиғичә миллий армий сәпиодә ишләш җәрянида музика биләнму изчил шуғуллинип, миллий армийәниң сәнәт ишлирида яхши тонулған иди. Униң 1949 - йилидин кейинки һаяти уйғур хәлқ музикилирини рәтләш, иҗад қилиш вә орундаш һәм яш әвладларни тәрбийиләш билән отти.

Диққитиңлар ихтияри мухбиримиз һаҗи қутлуқ қадириниң пешқәдәм сәнәткар, сабиқ миллий армийә җәңчиси мусаҗан розиниң миллий азадлиқ инқилаби җәрянидики сәргүзәштилири һәққидә тәйярлиған сөһбәт программисини аңлайсиләр.


Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.