"Qeshqirining tarixchi newrisi réshat gench maqalilar toplimi" namliq kitab enqerede neshir qilindi

Muxbirimiz erkin tarim
2015-05-25
Share
qeshqeri-tarixchi-newrisi-reshat-gench.jpg "Qeshqirining tarixchi newrisi réshat gench maqalilar toplimi" namliq kitab
RFA/Erkin Tarim


Qaraxaniylar dewrining tarixini tetqiq qilghuchi, ghazi uniwérsitétining oqutquchisi prof. Dr. Réshat genchke atap "Qeshqirining tarixchi newrisi reshat gench maqalilar toplimi"namliq kitab enqerede neshir qilindi. Türkiye türk kültürini tetqiq qilish inistituti teripidin neshir qilin'ghan kitabning tehrirlikini ghazi uniwérsitéti tarix oqutquchisi prof. Dr. Memet shahin'göz qilghan kitabgha Uyghur we qaraxanilar mezgilige a'it 20 parche maqale kirgüzülgen.

Prof. Dr. Réshat gench ependining "Qaraxanilarning dölet teshkilati" namliq kitabi 1990 - yili ürümchide Uyghur tilida neshir qilin'ghan idi. Mezkur kitabni tursunay saqi bilen tursun hoshur terjime qilghan bolup, eserde qaraxanilar dölitining dölet tüzümi bayan qilin'ghan. Réshat gench ependining hazirghiche qaraxanilar mezgilige a'it köp sanda kitab we maqaliliri neshir qilin'ghan.

Undaqta prof. Dr. Réshat gench ependi kim?

Réshat gench 1941 - yili türkiye yozghat nahiyiside tughulghan. 1955 - Yili u, öz nahiyiside mektepni püttürüp, qeyseride pinarbashi nahiyiside oqutquchiliq qilghan. 1961 - Yili enqere uniwérsitéti til we tarix - jughrapiye fakultétining tarix kespide oqushqa bashlighan.

1974 - Yili martta, u, "Türkiy tillar diwanining mu'ellipi mexmut qeshqirining qarishiche 11 - esirdiki türkiy ellirining siyasiy, étnik, ijtima'iy we medeniyet haliti" dégen déssirtatsiye bilen edebiyat doktoruluq unwani aldi.

"Qaraxanilarning dölet teshkilati" namliq kitabi bilen 1980 - yili aprélda dotsént boldi. 1986 - Yili noyabirda proféssor boldi. 1986 - Yili dékabirda ghazi uniwérsitétining pédagogika fakultétining mudirliqigha teyinlendi. U, yene türkiye bash ministirlik tarmiqidiki atatürk kültür, til we tarix yüksek tetqiqat idarisining mudiri we türkiyening qirghizistandiki manas uniwérsitétida mudirlik wezipisini ötigen.

Prof. Dr. Réshat genchning qaraxanilar tarixini tetqiq qilishqa qoshqan töhpisi néme? Uyghur tiligha terjime qilin'ghan "Qaraxanilarning dölet teshkilati" namliq kitabi Uyghurlarning qaraxanilar tarixi toghrisida melumatqa ige bolushqa qandaq töhpilerni qoshqan?

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet