Türkiye hökümiti chiqarghan 36 - nomurluq höjjitining bésip ötken musapisi

1997 - Yili ghulja weqesidin kéyin xitay dölet re'isi jiyang zémin, xitay xelq qurultiyi re'isi li péng qatarliq rehberler arqa - arqidin türkiyeni ziyaret qilip, türkiye hökümitini türkiyediki sherqiy türkistan ammiwi teshkilatlirining pa'aliyetlirini chekleshni telep qilghan idi. Shuning bilen mes'ut yilmaz bash ministirlik wezipisini ötewatqan birleshme hökümet 1998 - yili 12 - ayning 23 - küni 36 - nomurluq mexpiy höjjetni chiqirip, türkiyediki sherqiy türkistan ammiwi teshkilatlirining pa'aliyetlirini chekligen idi.

Ushbu höjjette yighinlarda kökbayraq ésish, hökümet xadimlirining, dölet kadirlirining Uyghurlar élip barghan pa'aliyetlerge qatnishishi meniy qilin'ghan idi. 2009 - Yili meydan'gha kelgen 5 - iyul ürümchi weqesidin kéyin 2010 - yili 9 - ayda mezkur höjjet türkiye hökümiti teripidin bikar qilindi. Undaqta 1998 - yilidin 2010 - yilighiche bolghan 12 yil ichide bu höjjet tüpeyli némiler boldi? bu heqte köz qarishini élish üchün sherqiy türkistan weqpining sabiq bash katipi Uyghur xewer torbétining sahibi hamut göktürk ependi bilen söhbet élip barduq.