Parizhda 4-iyun tyen'enmén weqesi munasiwiti bilen Uyghur, tibet, xitaylar birlikte namayish qildi

Ixtiyariy muxbirimiz haji qutluq qadiri
2015.06.02
Share on WhatsApp
Share on WhatsApp
parizh-4-iyun-namayish.jpg 4-Iyun tyen'enmén weqesi munasiwiti bilen Uyghur, tibet, xitaylar birlikte qilghan namayishidin körünüsh. 2015-Yili 31-may, parizh.
RFA/Qutluq

31-May firansiyening parizh shehiride 4-iyun tyen'enmén oqughuchilar herikitini xatirilesh yüzisidin Uyghur, tibet, xitaylar birlikte namayish élip bardi.

Parizhda ötküzülgen 4-iyun tyen'enmén oqughuchilar herikitini xatirilesh pa'aliyitini firansiyede pa'aliyet élip bériwatqan xitay démokratik teshkilatliri birlikte orunlashturghan bolup, bu qétimqi bu pa'aliyetke parizhdiki Uyghur, tibet, wiyétnam teshkilatlirining wekillirimu qatnashqan.

Namayishta alahide sözge teklip qilin'ghan firansiye Uyghur jem'iyitining re'isi erkin ablimit sözide xitayning Uyghur élida yüz bergen barin weqesi, 5-féwral ili weqesi, 5-iyul ürümchi weqesige oxshash weqelerde élip barghan qanliq qirghinchiliqlirini eyibligen.

Erkin ablimit sözide yene, xitay türmisige menggülük qamalghan Uyghur öktichi ziyaliysi ilham toxti toghrisidimu tepsiliy toxtalghan.

Namayish parizhdiki éyfil munarigha yéqin jaydiki meydanda élip bérilghan bolup, namayishqa texminen yüzdin artuq kishi qatnashqan.

Namayish shu küni chüshtin kéyin sa'et üchte bashlinip kech sa'et altide axirlashqan.

Biz mezkur namayish heqqide toluq melumatqa érishish üchün firansiye Uyghur jem'iyitining re'isi erkin ablimit bilen téléfon söhbiti élip barduq.

Yuqiriqi awaz ulinishidin tepsilatini anglang.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.