Ghayib nijat qurbanning dadisi: derd bélimni mükcheytti, shundaqtimu xewp-xeterlerge razimen

5-Iyul weqesining 5 yilliq xatire künige ikki kün qaldi, xitay da'iriliri shunche köp semimiy teklipler, shunche küp achchiq tenqidler we shunche köp yighlash-yalwurushlargha pisent qilmastin, 5-iyul weqesining échinishliq netijiliridin biri bolghan ghayiblar mesilisi heqqidiki sükütini dawamlashturmaqta.

Perzentlirining aqiwiti heqqide héchqandaq uchurgha érishelmigen qanchilighan anilar bala derdide késellinip dunyadin közi ochuq ketti, qanchilighan qérindashlar mal-dunyaliridin ayrildi, taghdek-taghdek atilarning belliri mükcheydi. Mana bulardin biri atush ishtachiliq qurban'axun aka. U 22 yashliq oghli nijat ghayib bolup bir yildin kéyin yürek késilige giriptar bolghan؛ yéqinqi 4 yil ichide 3 qétim opératsiye qilin'ghan. Yiligha yüz nechche ming yüenlik dora-okul bilen öre turuwatqan qurban'axun aka 9 balining atisi؛ u muxbirimizning bügünki ziyariti dawamida, özining derttin béli mükcheygenlikini, shundaqtimu béshigha néme awarichilik kelse -kelsun, balisini izdeshtin toxtimaydighanliqini éytti.

Tepsilatini yuqiridiki awaz ulinishidin anglighaysiler.