Kent sékrétari: abduqadir yapchanning uruq-tughqanlirining hemmisi türmide

Muxbirimiz shöhret hoshur
2017-06-30
Élxet
Pikir
Share
Print
Uyghurlar arisida tonushluq jama'et erbabi abduqadir yapchan.
Uyghurlar arisida tonushluq jama'et erbabi abduqadir yapchan.
RFA/Arslan

Muxbirimiz qeshqer yéngisher yapchan yézisining roza héyt weziyiti heqqide ehwal igilishi dawamida, özini ashkarilashni xalimighan ahalilerdin biri, türkiyediki siyasiy pa'aliyetchi abduqadir yapchanning on sekkiz yashtin ashqan barliq uruq-tughqanlirining türmide ikenlikini ashkarilidi. Muxbirimiz, abduqadir yapchanning anisi olturushluq 5-kent sékrétaridin melumat sorighinida, sékrétar yuqiriqi uchurning toghriliqini delillidi. Yapchandiki sékrétarlar yene, ahalilerni yapchanning uruq-tughqanlirigha chek-chégra ayrish heqqide teshwiqat élip bériwatqanliqini ashkarilidi. Emma ular, yapchanning tughqanliridin kimlerning türmide ikenliki heqqide melumat bérishni ret qildi.

Hörmetlik radi'o anglighuchilar, 15 yildin béri türkiyede yashawatqan siyasiy pa'aliyetchi we jama'et erbabi abduqadir yapchan heqqide ötken yili xitay da'iriliri türkiyege shikayetname yollap, uni xitaygha qayturup bérishni telep qilghan. Türkiye qanun organliri abduqadirni tutup tekshürüsh élip barghan we sotchilar xitayning eyibleshlirining asassiz ikenlikige höküm qilghan. Emma, yapchan üstidiki tutup turup tekshürüsh türkiyede yenila dawam qiliwatqan idi. Qeshqerge qaratqan téléfon ziyaretlirimiz dawamida, özini ashkarilashni xalimighan ahalilerdin biri, nöwette yapchanning qeshqerdiki uruq-tughqanliridin 18 yashtin ashqanlarning hemmisining türmide ikenlikini bayan qildi. Qeshqer yéngi sheherning yapchan yézisidiki kent sékrétarlirimu bu uchurning toghriliqini delillidi.

Toluq bet