Абдувәли аюп: “хитай мени ана тил мәктипи ачтиң дәп 15 айлиқ түрмигә солиди”

Ихтиярий мухбиримиз әркин тарим
2016.01.07
abduweli-ayup.JPG Абдувәли аюп әпәндини әркин асия радиосиниң зияритини қобул қилмақта. 2016-Йили 7-январ, әнқәрә.
RFA/Erkin Tarim

Уйғур зиялийси абдувәли аюп әпәнди бүгүн йәни 1-айниң 7-күни әнқәрәдә зияритимизни қобул қилип, хитай һөкүмитиниң өзини қанунсиз мәбләғ топлиди дәп әйибләп 15 айлиқ қамақ җазасиға һөкүм қилғанлиқини, әмма, бу әйибләшләрниң бир сәпсәтә икәнликини, әсли сәвәб ана тил йәслиси ачқанлиқи икәнликини тәкитлиди.

У, ана тил мәктипи ечиш пикриниң өзидә 2005-йили тунҗи қетим оқуш үчүн түркийәгә кәлгән вақтида пәйда болғанлиқини, 2009-йили америкида оқуш җәрянида күчләнгәнликини, 2010-йили 3-айда ана тилда мәктәп ечиш қарариға кәлгәнликини, 2011-йили 6-айда вәтинигә қайтқандин кейин буни әмәлгә ашуруш үчүн һәрикәткә өткәнликини ейтти:

Абдувәли аюп әпәнди “сиз сотта немә дәп әйибләндиңиз ?” дегән соалимизға җаваб берип, тутуш буйруқида мәбләғни сахта мәлум қилиш җинайити дәп йезилғанлиқини, кейин униңға қанунсиз мәбләғ йиғиш җинайитини қошуп әйибләп, 15 ай қамақ җазаси бәргәнликини, өзиниң принсип бойичә иш қилидиған адәм икәнликини, қанунсиз мәбләғ йиғмиғанлиқини, әсли сәвәбниң ана тил мәктипи ачқанлиқи икәнликини баян қилди.

Абдувели аюп түрмидин қоюп берилгәндин кейин түркийәгә кәлгән болуп, һазир әнқәрәдә турмақта. Сөһбәтниң тәпсилатни төвәндики улиништин аңлаңлар.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.