Aqsu aykölde bir heptide tutqun jeryanida étiwétilgenlerning sani 3ke yetti
2014.08.22

Aqsu aykölde xitay saqchilirining öy axturush we tutqun qilish heriketliri qanliq shekilde dawam qilmaqta. Aykölde ötken shenbe küni yeni 16 - awghust küni yasin awut we tuniyaz qurbandin ibaret ikki neper yash öy axturush we charlash dawamida étiwétilgen idi. Xitay saqchiliri seyshenbe küni 19 - kent 3 - guruppa ezasi 21 yashliq ömer ablanimu aqsu shehiride taksichiliq qiliwatqan mezgilide étip tashlighan.
Muxbirimizning bügünki éniqlashliri dawamida, ayköldiki ikki kentte yéqinqi bir hepte ichide 13 kishining tutulghanliqi, 3 kishining étilghanliqi we yene üch kishining izdiliwatqanliqi ashkarilandi. Melum bolushiche, tutqunlardin birining öyidin palta, xenjer we partlatquchi dora tépilghanliqi bahanisi bilen xitay saqchiliri bu qanliq tutqun herikitini élip barghan, bu qétimliq tutqunmu xitayning öz qanuniy tertip we ölchemliridin zor derijide halqighan halda dawam qilghan.
Töwende muxbirimiz shöhret hoshurning bu heqte teyyarlighan programmisini anglaysiler.