Ayköl weqeside béshigha kések yégen mudir tutqunlarning aqiwiti heqqide melumat berdi

Muxbirimiz shöhret hoshur
2014-08-26
Share
urumchi-basturush-5-iyul-305.jpg Ürümchi naraziliq namayishini basturush üchün ürümchige kirgen qoralliq eskerler. 2011-Yili iyul.
RFA


Muxbirimiz aqsu aykölde su tutuwatqan déhqan yash tuniyaz qurbanning étiwétilish weqesi heqqide ehwal igilesh dawamida, aykölde ötken yili roza héyt harpisida yüz bergen qanliq toqunushta tutqun qilin'ghanlarning aqiwiti heqqidimu melumatqa érishti. Shu qétimliq weqede sani 500 che etrapida bolghan amma bilen xitay qoralliq qisimliri arisida toqunush yüz bérip, weqedin kéyin yüzlerche kishi tutqun qilin'ghan idi.

Shu künki weqede wezipe ijra qilish dawamida béshigha kések tégip yarilan'ghanliqini bayan qilghan bir amanliq mudiri, shu weqege chétilip tutulghanlardin 22 kishige 7 yildin 18 yilgha qeder qamaq jazasi bérilgenlikini, bir kishining türmide ölgenlikini we 9 kishining sirtta nezerbend astida közitiliwatqanliqini ashkarilidi.

U yene, shu qétimliq weqege chétishliq gumandarlardin 4 nepirining hazirghiche tutulmighanliqini, saqchilarning ularni izdep taki xitay ölkilirigiche barghanliqini we tapalmighanliqini bayan qildi.

Yuqiridiki ulinishtin, muxbirimiz shöhret hoshurning bu heqte teyyarlighan programmisini anglaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet