Amérikidiki Uyghur we bashqa milletler b d t aldida keng kölemlik namayish qildi

Xitay hökümitige qarshi b d t ning nyu-york shehiridiki bash shtabi aldida ötküzülgen keng-kölemlik naraziliq namayishidin körünüsh. 2018-Yili 18-séntebir.

Dunya Uyghur qurultiyi, amérika Uyghur birleshmisi, Uyghur kishilik hoquq qurulush, we tibet, mongghul, teywen we xitayning démokratiye teshkilatliri birliship, 18-séntebir küni birleshken döletler teshkilatining nyu-york shehiridiki bash shtabi aldida xitay hökümitige qarshi keng-kölemlik naraziliq namayishi élip bardi.

18-Séntebir küni, birleshken döletler teshkilatining 73-nöwetlik omumiy kéngishi échilidighan tunji kün bolup, namayish qilghuchilar b d t ning xitayda barghanséri nacharliship kétiwatqan weziyetni, bolupmu bir milyondin artuq Uyghurlarni jaza lagérlirigha solap qoyushtek mesililer üstige jiddiy qarishigha chaqiriq qildi.

Bu namayishni orunlashturghan Uyghur amérika birleshmisining re'isi ilshat hesen söz qilip, b d t ni Uyghurlarning hazirqi jiddiy mesilisige köngül bölüshke chaqirish shundaqla xitay hökümitige qarshi oxshimighan pikirdiki barliq guruppilarning birlikte namayish qilishqa teshkilleshning zor ehmiyitini chüshendürdi.

Namayishqa qatnashqan Uyghur kishilik hoquq qurulushining xadimi zubeyre shemsidin xanimmu ittipaqliship xitaygha qarshi turushning ehmiyitining zorlighini bildürdi.

Yuqiridiki awaz ulinishidin, muxbirimizning nyu-yorktin bergen melumatlirini anglaysiler.