بېيجىڭغا ئەرز قىلىپ بارغان 4 قېرىنداش 1 يىلدىن 3 يىلغىچە قاماقتا ياتقان
2015.10.27
خوتەن قاراقاشلىق ئەرزدار غوجىمەمەت جاپپار. 2015-يىلى يانۋار(ئورنى ئېنىق ئەمەس)
RFA/Shohret
قاراقاش ناھىيىسىنىڭ ماڭلاي يېزىسىدىن بولغان غوجىمەمەت جاپپار، تارتىۋېلىنغان ئۆي-زېمىن داۋاسى ئۈچۈن ئۈچ ئىنىسى ۋە بىر سىڭلىسى بىلەن بىرلىكتە، بەش قېرىنداش 2007-يىلى بېيجىڭغا ئەرز قىلىپ كەلگەن.
ئۇلار ئەرزىيەت ئىشخانىسىغا بېرىپ ماڭلايدا بىر جانغا ئىككى پۇڭدىن يەر توغرا كېلىدىغانلىقىنى، ئۆي-زېمىنى تارتىۋېلىنغاندىن كېيىن 5 قېرىنداشنىڭ ئۆي-ماكانسىز قالغانلىقىنى ئېيتقان بولسىمۇ، خادىملار بۇ شىكايەتكە پەرۋا قىلمىغان؛ نەتىجىدە ئۇلار يەنە بىر گۇرۇپپا ئەرزدار بىلەن بىرلىكتە بېيجىڭدىكى چەتئەل كونسۇلخانىلىرى ئالدىدا خىتايغا نارازىلىق بىلدۈرگەن.
بەش قېرىنداش يۇرتىغا قايتىپ بارغاندىن كېيىن يۇقىرىقى قىلغانلىرى ئۈچۈن تۇتقۇن قىلىنىپ، 4 نەپىرى 1 يىلدىن 3 يىلغا قەدەر قاماققا ھۆكۈم قىلىنغان. سابىق مەھبۇس غوجىمەمەت جاپپار جازا مۇددىتىنى تۈگىتىپ 4 يىلدىن كېيىن ۋەقەنى رادىئومىزغا ئاشكارىلىدى. ئالاقىدار كەنت سېكرىتارىمۇ مەزكۇر ئائىلىدىن 4 قېرىنداشنىڭ 1 يىلدىن 3 يىلغا قەدەر قاماقتا يېتىپ چىققانلىقىنى دەلىللىدى.
يۇقىرىدىكى ئۇلىنىشتىن مۇخبىرىمىزنىڭ بۇ ھەقتە تەييارلىغان پروگراممىسىنى ئاڭلايسىلەر.
كۆپ كۆرۈلگەن خەۋەرلەر
RFA
- ئابدۇۋەلى ئايۇپ: «خىتايغا بېرىپ كېلىۋاتقان ئۇيغۇرلارنىڭ كۆپىيىشى جىددىي مەسىلە!»
- ھامۇتخان كۆكتۈرك: خىتاينىڭ پۇلى بىلەن خىتاينىڭ مېھمانى بولۇپ ۋەتەنگە بارغانلار شەرقىي تۈركىستان دەۋاسىغا خىيانەت قىلغان بولىدۇ
- ئانالىزچىلار: نارازىلىقىنى ئىپادىلىگەن خەلقنى قوراللىق ئەسكەر بىلەن باستۇرۇش پەقەت خىتايدەك مۇستەبىت ھاكىمىيەتكە مەنسۇپ
- مۇتەخەسسىسلەر: خىتاي ھۆكۈمىتى تەيۋەنلىكلەرنىمۇ ئۇيغۇر ئېلىدىكى جىنايەتلىرىگە شېرىك قىلماقچى
- «ئۇيغۇر خەلق ناخشىلىرى» نى ئۆگىتىشمۇ ياكى ئۇيغۇرلارغا «ھەيۋە» كۆرسىتىشمۇ؟