Д у қ рәһбәрлири б д т йиғида уйғур дияриниң әң йеқинқи вәзийитини аңлатмақта

Ихтиярий мухбиримиз әкрәм
2017.11.29
Share on WhatsApp
Share on WhatsApp
bdt-dolqun-eysa.jpg Солдин оңға: д у қ программа йетәкчиси питер ирвен, д у қ рәиси долқун әйса вә қурултай хадими райин әпәндиләр б д т бинаси алдида хатирә сүрәттә. 2017-Йили 29-ноябир, җәнвә.
RFA/Ekrem

Дуня уйғур қурултийиниң рәиси долқун әйса башлиқ бир гуруппа вәкилләр җәнвәдики б д т штабида чақирилған бир қатар йиғинларға қатнишип, уйғур диярида күнсайин кәскинлишиватқан еғир вәзийәтни аңлатмақта.

Д у қ ниң рәиси долқун әйса әпәндиниң б д т ниң җәнвәдики баш штабидин бәргән мәлуматлириға асасланғанда, д у қ ниң 3 кишидин тәркиб тапқан вәкилләр өмики 29-ноябирдин етибарән б д т дики паалийәтлирини башливәткән.

Долқун әйса башлиқ қурултай вәкиллири бүгүн б д т ниң бәзи йиғинлириға қатнашқан. Д у қ хадимлири бәзи дөләтләрниң б д т дики әлчилири билән сөһбәт елип барған вә б д т алаһидә хадимлири биләнму учрашқан.

Д у қ ниң программа йетәкчиси петер ирвин әпәндиму зияритимизни қобул қилип, д у қ рәһбәрлириниң б д т дики паалийәтлириниң нәтиҗилик давам қиливатқанлиқини тилға алди. У мундақ деди: “бүгүнки йиғинларда уйғурлар дуч келиватқан еғир вәзийәтләр һәққидә мәлумат бериш вә хитайниң зулум сияситини паш қилиш җәһәттә бәлгилик нәтиҗә қазандуқ, дәп ойлаймән. Мәйли б д т хадимлири билән болған учришишларда болсун яки һәрқайси дөләтләрниң б д т дики әлчилири билән елип барған сөһбәтләр давамида болсун вә яки кишилик һоқуқ тәшкилатлириниң мәсуллири билән өткүзгән сөһбәтләр җәрянида болсун, уйғурларниң паҗиәлик һаятини тонуштуруп, көплигән кишиләрдә уйғурларға нисбәтән һесдашлиқ қозғидуқ. Әтидин башлап аз санлиқлар мунбири йиғинида техиму көп паалийәт қилиш пурситимиз болиду.”

Д у қ рәһбәрлири әтидин башлап б д т дики “аз санлиқлар мунбири” йиғиниға қатнишидикән. Долқун әйса әпәнди бу йиғинда оттуриға қоймақчи болған уйғурлар мәсилисигә аит темилар һәққидә мәлумат бәрди. Долқун әйса әпәнди йәнә әтики йиғинда бир қисим гуваһчиларни тәклип қилип, уйғур дияридики қазақ, қирғиз қатарлиқ аз санлиқ милләтләр мәсилисиниму нуқтилиқ күнтәртипкә әкелидиғанлиқини билдүрди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.