Д у қ җиддий йиғин чақирип 6 айлиқ хизмәт пиланини түзүп чиқти

Дуня уйғур қурултийи рәһбәрлик һәйити җиддий йиғин чақирип алдимиздики 6 айлиқ хизмәт пилани һәққидә музакирә елип барди.

18 - Май күни кәчтә д у қ рәиси рабийә қадир ханимниң риясәтчиликидә чақирилған бу йиғинға д у қ ниң юқири дәриҗилик рәһбәрлиридин сейит түмтүрк, абдурешит турдийеф, дилшат решит, өмәр қанат, илһам маһмут, әсқәр җан вә алим сейитоф қатарлиқлардин башқа, д у қ ниң һәрқайси комитетиниң мудирлири вә һәрқайси дөләтләрдики вәкиллиридин болуп 28 киши қатнашти. Телефон йиғининиң ечилиш нутқини д у қ рәиси рабийә қадир ханим қилди. У бу йиғинни чақириштики мәқсити һәққидә тохтилип мундақ деди:

“һазир шәрқий түркистанда вәзийәт интайин җиддий. Җиддий қилишқа тегишлик нурғун ишлиримиз бар. Униң үстигә 5 - июл үрүмчи вәқәсиниң 4 - йиллиқи келәй дәп қалди. Бу сәвәбтин бу йиғинни чақирип бундин кейин қилишқа тегишлик ишлар һәққидә музакирә елип барайли дедуқ. Йиғинда алдимизда җиддий қилишқа тегишлик бирқанчә иш һәққидә музакирә елип баримиз.”

2 Йерим саәт давамлашқан бу йиғинда ноқтилиқ һалда 5 - айниң 30 - күнидин 6 - айниң 2 - күнигичә венгирийидә чақирилидиған дуня уйғур яшлири қурултийиниң тәйярлиқ хизмәтлири, д у қ рәиси рабийә қадир ханим башчилиқидики д у қ рәһбәрлириниң 6 - айниң 20 - күнидин 7 - айниң 1 - күнигичә японийигә елип баридиған рәсмий зиярити вә 5 - июл үрүмчи вәқәсиниң 4 - йиллиқи мунасивити билән дуняниң һәрқайси җайлирида елип берилидиған паалийәтләр һәққидә музакирә елип берилип хизмәт пилани түзүп чиқилди. Төвәндә йиғинниң нәқ мәйдан хатирисини аңлитимиз..