D u q hey'iti türkiye rehberlirige ilham toxti toghrisida doklat sundi

Ixtiyariy muxbirimiz erkin tarim
2014-01-23
Share
newzat-qorqmaz-ilham-toxti.jpg D u q mu'awin re'isi séyit tümtürk ependi we d u q musapirlar komitéti mudiri xeyrulla efendigil ependiler öktichi partiyilerdin milletchi heriket partiyisining parlamént ezasi newzat qorqmazgha ilham toxti toghrisida doklat sundi. 2014-Yili 23-yanwar, türkiye.
RFA/Erkin Tarim

Béyjingdiki merkiziy milletler uniwérsitéti oqutquchisi ilham toxti ependi xitay j x xadimliri teripidin tutup kétilgendin kéyin amérika, yawropa parlaménti we bezi insan heqliri teshkilatliri bu heqte pozitsiye bildürgen bolsimu, emma türkiye hökümiti téxi hazirghiche bu heqte pozitsiye bildürmidi.

Bu sewebtin dunya Uyghur qurultiyi mu'awin re'isi séyit tümtürk ependi, d u q musapirlar komitéti mudiri xeyrulla efendigil ependi 23-yanwar küni türkiye parlaméntigha kirip türk rehberlerge 2013-yildiki qanliq weqeler we ilham toxti toghrisida teyyarlighan doklatini sundi. Ular hakimiyet béshidiki adalet we tereqqiyat partiyisining parlamént ezasi mustafa elitash ependi, öktichi partiyilerdin milletchi heriket partiyisining parlamént ezasi dr. Reshat doghru, newzat qorqmaz, mehmet shandir, jumhuriyet xelq partiyisidin kélip chiqqan parlamént ezasi exmet gümüsh we nejdet ejder ependilerge mezkur doklatni berdi shuningdek ilham toxti toghrisida melumat berdi.

Bash ministir rejep tayyip erdoghanning türkiye parlaméntidiki wekili mustafa elitash ependi bu doklatni türkiye tashqi ishlar ministiri exmet dawutoghligha yetküzidighanliqini éytti. Parlamént ezaliri kéler hepte türkiye parlaméntida muxbirlarni kütüwélish yighini chaqirip xitayni ilham toxtini qoyup bérishke chaqiridighanliqini tekitleshti.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet