Tokyoda 5-féwral ili weqesini xatirilesh ilmiy muhakime yighini chaqirilidu

Ixtiyariy muxbirimiz haji qutluq qadiri
2016-01-28
Élxet
Pikir
Share
Print
Yaponiye Uyghur birliki teshkilatining "5-Féwral ili weqesini xatirilesh ilmiy muhakime yighini" heqqidiki elani. 2016-Yili yanwar.
Yaponiye Uyghur birliki teshkilatining "5-Féwral ili weqesini xatirilesh ilmiy muhakime yighini" heqqidiki elani. 2016-Yili yanwar.
RFA/Qutluq

Igilishimizche, 7-féwral küni tokyoda yaponiye Uyghur birliki teshkilatining teshkillishi bilen 5-féwral ili weqesining 19 yilliqini xatirilesh yüzisidin ilmiy muhakime yighini chaqirilidiken. Ilmiy muhakime yighinigha tokyo etrapidiki bir qisim uniwérsitétlarning proféssorliri, xitay ishliri mutexessisliri, siyasetchiler we shundaqla bir qisim parlamént ezaliri teklip qilin'ghan.

5-Féwral ili weqesining 19 yilliqini xatirilesh ilmiy muhakime yighini shu küni kech sa'et alte yérimdin bashlap tokyo shinjukudiki köp medeniyetler merkizide ötküzülidiken. 7-Féwral etigende yene tokyodiki xitay elchixanisining aldida yaponiye Uyghur birliki teshkilatining teshkillishi bilen xitaygha qarshi namayish élip bérilidiken.

Bu qétim tokyoda chaqirilidighan 5-féwral ili weqesining 19 yilliqini xatirilesh pa'aliyitige aldin alahide teyyarliq qilish üchün yaponiye Uyghur birliki teshkilati tokyoda pa'aliyet élip bériwatqan bir qisim kishilik hoquq teshkilatliri birlikte hemkarliship "5-Féwral ili weqesini xatirilesh pa'aliyiti teyyarliq komitéti" qurghan.

Ziyaritimizni qobul qilghan mezkur teyyarliq komitétining mudiri sato ependi teyyarliq xizmetliri heqqide qisqiche toxtilip: "5-Féwral ghulja weqesi 1997-yili yüz bergende yaponiyede metbu'atlardin 'asahi shinbun' géziti aldi bilen bu heqte qisqiche uchur berdi. Shundin buyan ghulja weqesige da'ir türlük xewer we analiz maqaliliri yaponiye metbu'atlirida bérilip turdi. Mezkur weqe 2008-yili yaponiye Uyghur teshkilati qurulghandin bashlap resmiy rewishte türlük pa'aliyetler élip bérilip, deslepki qedemde yaponiye jem'iyitige anglitildi. Bu qétim yéngidin qurulghan yaponiye Uyghur birliki teshkilati bu heqte da'irisi we mezmuni bir qeder keng bolghan pa'aliyet élip bérishni pilanlap, hazir bu ishqa jiddiy teyyarliq qiliwatimiz. Men pa'aliyitimizge köpligen Uyghur we yaponlarning qatnishishini ümid qilimen" dédi.

Ziyaritimizni qobul qilghan yaponiye Uyghur birliki teshkilatining mu'awin re'isi, 5-féwral ili weqesini xatirilesh teyyarliq komitétining mu'awin mudiri ghalip mijit bu qétimqi pa'aliyet heqqide toxtaldi. U sözide bu qétimqi pa'aliyetning ehmiyiti zorluqini bildürdi.

Tokyoda élip bérilidighan 5-féwral ili weqesining 19 yilliqini xatirilesh teyyarliq pa'aliyitige aktip ishtirak qiliwatqan yaponiye Uyghur birliki teshkilatining da'imiy hey'et ezasi gülistan xanim ziyaritimizni qobul qilip, Uyghur élide élip bériliwatqan Uyghurlarning türlük qarshiliq heriketlirining mahiyitini yaponiye xelqige toghra chüshendürüshte, bu pa'aliyetning belgilik rol oynaydighanliqini bildürdi.

Axirida ziyaritimizni qobul qilghan yaponiye Uyghur birliki teshkilatining re'isi, 5-féwral ili weqesini xatirilesh teyyarliq komitétining mu'awin mudiri doktor turmuhemmet hashim ilmiy muhakime yighini dawamida élip bérilidighan namayish heqqide toxtaldi.

Yaponiyediki bir qisim közetküchilerning éytishiche, 5-féwral ili weqesini xatirilesh pa'aliyiti yéngidin qurulghan yaponiye Uyghur birliki teshkilatining tunji qétimliq pa'aliyiti hésablinidiken.

Yuqiriqi awaz ulinishidin tepsilatini anglang.

Toluq bet