Австралийәдә 5-феврал вәқәсиниң 17 йиллиқи хатириләнди

Ихтиярий мухбиримиз абидә
2014.02.11
awstraliye-ghulja-weqesi-yighilish.jpg 5-Феврал ғулҗа вәқәсиниң 17 йиллиқи хатириләш мурасимидин көрүнүш. 2014-Йили феврал, австралийә.
RFA/Abide

Өткән һәптә австралийәниң адилайд шәһиридә шәрқий түркистан австралийә җәмийитиниң орунлаштуруши билән ғулҗа вәқәсиниң 17 йиллиқи хатириләнди вә шеһитларға атап дуа-тилавәтләр қилинди.

Паалийәт адилайдтики уйғурларниң диний алими, имам абдусалам алим әпәндиниң қуран тилавәт қилиши билән башланди.

2 Саәт давамлашқан бу йиғилишта шәрқий түркистан австралийә җәмийитиниң рәиси абдулғопур мөмин әпәнди “шәрқий түркистанда йүргүзүлүватқан хитай зулумлири вә шәрқий түркистан миллий мустәқиллиқ һәрикәтлири” дегән темида, муавин рәис дилзат димян әпәнди хитай тәрипидин тутулған уйғур зиялийлиридин илһам тохти әпәнди вә абдувәли аюп әпәнди һәққидә тәйярлап кәлгән доклатини, шәрқий түркистан австралийә җәмийитиниң катипи нурмуһәммәт түркистани “5-февралдин һазирғичә йүз бәргән вәқәләр вә уйғурлуқ мәсулийити” темисида тохтилип өтти. Йиғинда йәнә шәрқий түркистан австралийә җәмийитиниң пәхри рәиси әхмәт игәмбәрди әпәнди вә вәқә шаһитлири сөзгә чиқип вәқәниң әһмийити, тәсири һәққидә тохтилип өтти һәм ғулҗа вәқәсиниң, шеһитларниң унтулмайдиғанлиқи һәққидә сөзләр қилишти.

Паалийәттин кийин зияритимизни қобул қилған нурмуһәммәт түркистани әпәндим бу һәқтә тохталди.

Бу қетимқи хатириләш сөһбәт йиғини көпчиликниң шеһитларға шундақла хитай зулуми астида қийниливатқан қериндашлириға дуа қилиши билән ахирлашти.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.