Gumadiki bomba partilash weqesining gumandarliri heqqide qismen melumatlar ashkarilandi

Muxbirimizning ilgirilep ehwal éniqlishi dawamida 10 - séntebir küni guma nahiyisining köktérek yézisida yüz bergen bomba partilash weqesige chétishliq gumandarlar heqqide bir qisim melumatlar ashkarilandi. Köktérektiki saqchi we kent sékritarlirining ashkarilishiche, weqege chétishliq gumandarlardin nöwette 10 kishi toghruluq tutush buyruqi tarqitilmaqta. Melum bolishiche gumandarlardin biri bomba partilighan geme orunlashqan hoylining igisi, 30 yashlar chamisidiki, kichik bir ashxana xojayini iken. Yene melum bolishiche, bu gumandarning ayali 3 yashliq balisi bar bolup, u ilgiri guma nahisidiki shanggang bazirining töwen qewitide, yéqinqi mezgillerde bolsa, xoten wilayetlik pidagogika institutining aldida ashxana achqan iken. Töwende muxbirimiz shöhret hoshurning bu heqte teyyarlighan uchurliri diqqitinglarda bolidu.