Guma pichaqliq hujumi seweblik bir mehelle kishiliri 3 kün solap qoyulghan

Muxbirimiz shöhret hoshur
2017-03-08
Élxet
Pikir
Share
Print
Uyghur élidiki bir qisim jaylarda pichaq we paltiliq hujum qilish weqesi yüz bergendin kéyin élip bérilghan xitayning herbiy heywe körsitish manéwiridin körünüsh. 2017-Yili 22-féwral.
Uyghur élidiki bir qisim jaylarda pichaq we paltiliq hujum qilish weqesi yüz bergendin kéyin élip bérilghan xitayning herbiy heywe körsitish manéwiridin körünüsh. 2017-Yili 22-féwral.
ts.cn

Guma baziridiki bir aktip kompartiye ezasi guma pichaqliq hujumi yüz bergen küni hujumchilarning a'ile-tawabi'atliri bilen birlikte qolum-qoshnilirimu qétilip, bir mehelle kishilirining kent we saqchixanigha yighiwélin'ghanliqi, 3 kün'giche tutup turulghanliqi we tutulghanlarning arisida ayal we balilarningmu barliqini ashkarilidi. Muhajirettiki Uyghur közetküchiler, radiyomizda qilghan ilgiriki sözliride, xitayning Uyghur rayonida atalmish térrorluqqa qarshi zerbe bérishte xelq'ara qanunda cheklen'gen kolléktip jazalash tedbirini qolliniwatqanliqini ilgiri sürgen idi.

Xitayning Uyghur rayonida melum bir kishi atalmish jinayet ötküzse, pütün a'ile-tawabi'atini qoshup jazalash ijra'ati buningdin burunmu ashkarilan'ghan. Xitay 2015-yili bay kömürkan hujumliridin memet eysa, musa toxtiniyaz qatarliq 10 nechche hujumchini a'ile-tawabi'ati bolghan 4 ayal 7 bala bilen birlikte ghar ichide qorshiwélip otchacharda qirip tashlighan. Xitay da'iriliri yene, ötken yili aqsuning chaghraq yézisida, atalmish qanunsiz diniy matériyallarni körgen muniyaz a'ilisidiki 7 kishini 5 yildin 12 yilgha qeder késiwetken.

Yuqirida guma pichaqliq hujumi seweblik, hujumchilardin ömer abduraxman, memtimin abduraxman we exmet élining a'ile-tawabi'atliri birlikte qolum-qoshnilirimu qétilip bir mehelle kishilirining 3 kün solap qoyulghanliqi heqqide anglitish berduq.

Awaz ulinishidin tepsilatini anglighaysiler.

Toluq bet