Японийә қәләмкәшләр кулуби илһам тохтини пәхрий әзалиққа қобул қилди

Ихтиярий мухбиримиз һаҗи қутлуқ қадири
2015.01.05
turmemet-hashim-ilham-toxti.jpg Японийәдә олтурушлуқ уйғур паалийәтчи турмәмәт һашим хитайниң токйодики әлчиханиси алдида илһам тохти вә хадаға әркинлик тәләп қилип соз қилмақта. 2014-Йили 9-ноябир, токйо.
RFA/Qutluq

Японийә уйғур җәмийитиниң рәиси илһам маһмутниң билдүрүшичә, йеқинда японийә қәләмкәшләр кулуби мәхсус қарар мақуллап уйғур өктичи зиялийси илһам тохтини пәхрий әзалиққа қобул қилғанлиқини елан қилған.

Японийә қәләмкәшләр кулуби өткән йили 15-январда уйғур өктичи зиялийси илһам тохти хитай даирилири тәрипидин қолға елинип үч күндин кейин, униң наһәқ тутқун қилинғанлиқиға наразилиқ билдүрүп баянат елан қилған шундақла изчил һалда униң түрмә һаятиға көңүл бөлүп кәлгән иди.

Хитай сот мәһкимисиниң уйғур өктичи зиялийси илһам тохтиға муддәтсиз қамақ җазаси бәргәнликигә қәтий қарши туруп келиватқан японийә қәләмкәшлири мәзкур кулубниң йетәкчиликидә, илһам тохтиниң хитай түрмисидин балдуррақ азад қилиниши үчүн бултурдин башлап түрлүк паалийәтләрни елип бериватқан иди.

Юқириқи аваз улинишидин, ихтиярий мухбиримиз һаҗи қутлуқ қадириниң японийә уйғур җәмийитиниң рәиси илһам маһмут билән елип барған бу һәқтики сөһбитини аңлайсиләр.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.