Xitay metbu'atliri künmingdiki hujumni uyghulargha baghlimaqta

Muxbirimiz jüme
2014-03-02
Élxet
Pikir
Share
Print
Künming sheherdiki poyiz istansida weqedin kiyin charlash élip bériwatqan qoralliq saqchilar
Künming sheherdiki poyiz istansida weqedin kiyin charlash élip bériwatqan qoralliq saqchilar
AFP

Shenbe küni kechqurun, namelum kishiler künming sheherdiki poyiz istansigha hujum qilip az dégende 29 ademni öltürgen, 130 ademni yarilandurghan. Xitay da'iriliri hujumchilarning Uyghur bolushi mumkinlikini ilgiri sürgen. Xitay axbarati bularni "Térrorchi" dep atighan.

Xitay saqchiliri hujumchilarning 10 neper ikenliki, 4 hujumchini étip öltürgenliki, bir ayal hujumchini yarilandurghanliqi, nöwette eng az dégendimu yene 5 hujumchini izdewatqanliqini bildürgen.

Neq meydanidiki xitay yolchilarning bildürüshiche, pütünley qara kiyin'gen bir top kishi qollirida xenjerlerni kötürgen halda poyiz békitidiki kishilerge hujum qilghan we aldigha kelgenni öltürüshke bashlighan.

Xitay re'isi shi jinping j x organliridin weqeni derhal tekshürüshni telep qilghan.

Shinxu'a axbaratida bu hujumchilarning kimliki hazirche éniqlanmighanliqi xewer qilin'ghan bolsimu, hujumni "Shinjangdiki bölgünchi guruhlar teshkilligen" bolushi mumkin dep, körsitilgen we bular "Térrorchi" dep atalghan.

Yekshenbe küni xitay saqchiliri künmingdiki Uyghurlarni qara - qoyuq yighiwélip tekshürüshke bashlighan.

Bu kishilerning Uyghur bolushi mumkini ilgiri sürülgendin kéyin künmingdiki xitay ahaliler arisida oxshimighan qarashlar meydan'gha chiqqan.

Birleshme agéntliqida xewer qilishiche, bu heqte toxtalghan bir yerlik xitay yash jyang: "Biz bu yerdiki Uyghurlarning hemmisini qoghlap, ularning musteqil bolushigha yol qoyushimiz kérek" dégen. Emma xewpsizlik mesiliside hökümet da'irilirini eyibligen.

Künmingdiki shyé famililik bir ashpez bu hujumchilarni éghzini buzup tillighan bolsimu, Uyghurlargha hésdashliq ipadiligen we: "Bu, ulargha qaritilghan bésimning mehsuli. Shi jinping re'isi bolghandin kéyin, béyjing ulargha qaritilghan bésimni hessilep ashurdi. Ular bésim derdide yashashni xalimaydighan bolup qaldi. Shunga shundaq qildi."

Ikki heqte ilgiri aqsuning uchturpan nahiyeside xitay saqchilirigha hujum qilish weqesi yüz bérip 11 Uyghur hayatidin ayrilghan idi.

Toluq bet