Сабиқ мәһбус нурунгул тохтиниң қамақтин чиқишниң алдида сақчиларға қойған шәртлири

Хитай сақчилири нурунгул тохтини тәкшүрүп һичқандақ гунаһ тапалмиғандин кейин, қоюп беришниң алдида һөкүмәт тәрәптин күтидиған тәләплирини сориған. Нурунгул дәсләптә өзигә гунаһтин бирни артип кесиветишни тәләп қилған.

Сақчилар нурунгулниң бу кинайә җавабини чүшинип тәлипини қайта сориғандин кейин, у алди билән оғлини булап қачқан хитай қарақчини худди “5 - июл” ға қатнашқан уйғурларни җазалиғандәк милләтләр мунасивитини бузуш вә дөләт бихәтәрликигә тәһдит селиш җинайити билән җазалишини; униңдин кейин өзиниң қанунсиз тутуп турулған һәрбир күнигә төләм берилишини тәләп қилған. У йәнә әгәр бу тәләплири җавабсиз қалса, буниңдин кейин әрз қилмайдиғанлиқини, оғли вә өзи учриған зиянкәшликләр үчүн мунасивәтлик тәрәпләрдин башқичә шәкилдә һесаб алидиғанлиқини баян қилған.

Төвәндә мухбиримиз шөһрәт һошурниң бу һәқтә тәйярлиған программисини аңлайсиләр.