Edib haji mirzahid kérimi: "Sanduq ichidiki bowaq namliq shé'irim méning we dostlirimning türmige qamilishigha seweb bolghan idi"

Ixtiyariy muxbirimiz qutluq
2017-06-23
Share
mirzahid-kerimi.jpg Uyghur élida tonulghan, hazir qeshqerde yashawatqan ataqliq sha'ir we yazghuchi haji mirzahid kérimi. (Orni we waqti éniq emes)
Social Media

Yéqindin buyan öz razimenliki bilen ziyaritimizni qobul qilip, özining hayat kechürmishliri we özi nöwette duch kéliwatqan türlük qismetler toghrisida biz bilen ortaqlashqan, hazir qeshqer shehiride yashawatqan ataqliq sha'ir we yazghuchi haji mirzahid kérimi bügünki axirqi söhbitimizde, özining 1957-yili yazghan we shu dewr Uyghur yashliri teripidin söyülüp yadqa oqulghan:

Asman közliridin tamchilaydu yash,

Shunche jimjit etrap goya gheplette.

Yapraqsiz del-derex yolumgha sirdash,

Éytingchu! Tebi'et néme hesrette? ‏

- Dep bashlan'ghan "Sanduq ichidiki bowaq" namliq bu meshhur shé'irining eyni waqitta özining we bashqa dostlirining türmige qamilishigha seweb bolghanliqi toghrisida toxtaldi.

Söhbitimizde sha'ir we yazghuchi haji mirzahid kérimi özining salametlikining kündin-kün'ge nacharliship kétiwatqanliqini, qeshqer sheherlik saqchi idarisining türlük siyasiy bésimliri sewebidin rohiy jehettin azablinip, perishanliq ichide turuwatqanliqini bayan qildi.

Söhbitimiz jeryanida sha'ir we yazghuchi haji mirzahid kérimi özining xizmet tarixi toghrisida qisqiche toxtaldi.

Sha'ir we yazghuchi haji mirzahid kérimi söhbitimiz jeryanida yene, qeshqer sheherlik saqchi idarisi yéqinda öyini axturup élip ketken roman we qur'ani kerim qatarliq kitablarning qatarida özining yéqinqi yillarda yazghan, téxi élan qilinmighan bir qisim eserlirining qolyazmiliriningmu barliqini we bu ish toghrisida özi xizmet qilghan qeshqer Uyghur neshriyati bilen söhbetleshkenliki heqqide toxtaldi.

Yuqiriqi awaz ulinishidin tepsilatini anglang.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet