پاكىستاننىڭ پىشاۋۇر ۋىلايىتىدە قېينىاكىلىرى تەرىپىدىن زوراۋانلىققا ئۇچرىغان ۋە ئۆيىدىن چىقماسلىق ھەققىدە تەھدىت سېلىنغان ئاسىيە كېرىم ۋە 4 پەرزەنتى تۈنۈگۈن پاكىستاندا پائالىيەت ئېلىپ بېرىۋاتقان ئۆمەر ئۇيغۇر ۋەخپى تەرىپىدىن قۇتقۇزۇلغان.
تەشكىلات ئەزالىرىدىن ئەكبەرجاننىڭ بىلدۈرۈشىچە، پىشاۋۇر ھۆكۈمەتنىڭ باشقۇرۇشى ئاجىز بىر جاي بولغاچقا، يەرلىك ساقچىلار ئاسىيەنى قۇتقۇزۇشقا دەرھال ھەرىكەتكە ئۆتمىگەن. نەتىجىدە ئۆمەر ئۇيغۇر ۋەخپى تەشكىلات ئەزاسى ۋە پاكىستانلىق قوللىغۇچىلىرى بولۇپ 18 كىشى ئالدىنقى كۈنى يېرىم كېچىدە ئاپتوموبىل بىلەن پىشاۋۇرغا بېرىپ، ئاسىيە ۋە 4 بالىسىنى قامىلىپ تۇرۇۋاتقان ئۆيىدىن قۇتقۇزۇپ ئاچىققان. بۇ ھەقتە رادىيومىزغا مەلۇمات بەرگەن مەزكۇر تەشكىلات ئەزاسى ئەكبەرجان ئاسىيە ۋە پەرزەنلىرىگە تەھدىت سېلىۋاتقانلار قوراللىق بولغانلىقى ئۈچۈن، ئۆزلىرىنىڭمۇ مۇداپىئە مەقسىتىدە نەق مەيدانغا قوراللىق بارغانلىقىنى بىلدۈردى.
يۇقىرىدىكى ئۇلىنىشتىن مۇخبىرىمىزنىڭ بۇ ھەقتە تەييارلىغان پروگراممىسىنىڭ تەپسىلاتىنى ئاڭلاڭلار.