Qeshqer chasa bashqarma tewelikide yüz bergen bir qanliq weqe yoshurulmaqta

Muxbirimiz shöhret hoshur
2014-09-12
Share
qeshqer-saqchi-herbiy-uyghur-qarshiliq.jpg Kocha charlawatqan xitay qoralliq küchliri. 2014-Yili 3-mart, qeshqer.
Imaginechina


Ijtima'iy taratqularda pash qilinishiche, 28 - awghust küni xitayning tengritagh tori qeshqerde weqe yüz bergenliki heqqide bir xewer bergen, emma anche uzun ötmeyla xewer tordin öchürüwétilgen. Muxbirimiz bu yip uchigha asasen éniqlashlarni élip bardi. Netijide weqening qeshqer shehiridiki 1 - saqchixana tewelikide yüz bergenliki aydinglashti.

Bu weqening öz tewelikide yüz bergenlikini inkar qilmighan mezkur saqchixana xadimliri weqening tepsilati heqqide melumat bérelmeydighanliqini éytti we tepsilatning yuqiri organlardin sorilishini tewsiye qildi. Melumki bu, xitay terepning rayonda yüz bériwatqan qanliq weqelerni tunji qétim yoshurushi emes.

Biz aldi bilen qeshqer shehiridiki melum idarining muqimliqqa mes'ul xadimi bilen bu heqte söhbetleshtuq. Xadim, söhbitimiz dawamida, özining yeken weqesi we jüme tahir weqesidin bashqa yéngi weqelerdin xewersiz ikenlikini éytti. Biz arqidin, qeshqer shehiridiki bir saqchixanigha téléfon qilduq. Téléfonimzni alghan saqchi xadimi weqening 1 - saqchixana tewelikide yüz bergenlikini pash qildi. Téléfonimizgha jawab bergen xitay xadimmu weqening yüz bergenlikini ret qilmidi. U weqening néme weqe ikenliki heqqidiki so'alimizgha, " Toghra chüshining, jawab bérelmeymen" dédi. Biz arqidin weqede qanche kishi ölüp, qanche kishi yarilan'ghanliqini soriduq؛ xadim bu so'alghimu jawab bérelmeydighanliqini éytti؛ arqidin weqe yüz bergen orunni soriduq, u bu so'alimizgha "Buningghimu jawab bérelmeyme"" dédi. U héchbir jawabida "Bundaq bir weqe yüz bermidi" déyelmidi, eksiche, weqe heqqide yuqiri organlardin, jümlidin qomandanliq merkizidin sorishimizni tewsiye qildi. Biz axirida, uningdin weqedin xewersizliki yaki jawab bérish hoquqi yoqluqini soriduq. U bu weqe heqqide jawab bérish hoquqi yoqluqini ashkarilidi.

Biz yene bir qatar téléfon ziyaretliri arqiliq, 1 - saqchixana tewelikining sheherning chasa kocha bashqarma ahaliler komitéti ikenliki, weqening hezret yolida yüz bergenliki éniqlandi. Emma weqening tepsilati ashkarilanmidi. Melumki bu xitay terepning rayonda yuz bergen qanlliq weqelerni tunji qétim yoshurushi emes. Téxi ikki ayning aldida qeshqer öpke késellikler doxturxanisi aldida yüz bergen 18 - 17 yashliq ikki neper yashni étiwétish weqesimu axbarattin yoshurulghan, emma melum mezgildin kéyin élan qilghan sot xewerliride mezkur weqege chétishliq gumandarlar tilgha élin'ghan. Bu yil 3 - ayning 2 - küni ghulja shehiridiki bir su ponkitining xadimi 44 yashliq gheyret ablkim, 1 - mart kunming weqesidin ilhamlinip, sheherdiki xitay ahaliler qorusida pichaqliq hujum élip barghan, hujumda bir xitay köchmen ölgen, yene biri yarilan'ghan. Hujumchi gheyret ablikim, 6 - mart küni esir chüshken. Bu weqemu aridin birqanche ay ötkende beydu qatarliq xitay gheyriy resmiy axbarat wastiliride ashkarilan'ghan.

http://tieba.baidu.com/p/2906035982

http://www.myactimes.com/actimes/plus/view.php?aid=726625

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet