Séyit nadir ependi: “Bizni gomindang tereptarliri teywen'ge aldap eketken”
2015.08.13
I'ordaniyelik Uyghur séyit nadir ependining bayan qilishiche, dadisi séyit abdullaxan teywen'ge aldap ekitilgen, yeni teywendiki gomindang tereptarliri kélechekte purset yétilgende sherqi türkistanda xitay kompartiyisige qarshi heriketke qatnashturush üchün siyit abdullaxan a'ilisi qatarliq bir türküm Uyghurlarni teywen'ge yötkigen, emma séyit abdullaxan xitay terepke bolghan ishenchsizliki sewebidin, teywende yashashni ret qilghan.
Muxbirimiz mezkur a'ilining teywen kechmishi heqqidiki bu ziyaret xatirisining dawamida, yolwasbeg qatarliq tarixiy shexslerning eyni yillarda teywende xitaygha qarshi heriket teyyarliqi heqqide Uyghur tarixchi we siyasiy közetküchilerdin melumat soridi. Ghulamidin paxta, qahar barat we ilshat ependilerning bayan qilishiche, eyni yillarda yolwasbeg teywende Uyghurlardin küch toplash we yaramliq adem terbiyilesh üchün belgilik derijide heriket qilghan.