Üch yashliq abdullaning ölümi we taylandtiki bir musulman doxtur anining méhir-muhebbiti

Muxbirimiz qutlan
2015.01.29
Share on WhatsApp
Share on WhatsApp
abdulla-3-yash-tayland-wapat-bolghan-2-305.jpg Tayland türmiside tubérkulyoz késilige giriptar bolghan 3 yashliq abdulla abduwélining wapat bolushtin ilgiriki süriti. 2014-Yil dékabir, tayland xatyay.
RFA/Qutlan
abdulla-3-yash-tayland-wapat-bolghan.jpg

Üch yashliq abdullaning taylandiki melum doxturxanida dawaliniwatqan chaghda tartilghan süriti (2014-yil dékabir, tayland) Oqurmen teminligen

abdulla-3-yash-tayland-wapat-bolghan-1.jpg

Taylandtiki bir doxturxanida 53 kün yalghuz yétip alemdin ötken 3 yashliq Uyghur musapir bala abdullah abduwéli. 2014-Yili 23-dékabir, tayland. Oqurmen teminligen

tayland-musapir-kichik-balilar.jpg

Tayland musapirlar lagéridiki Uyghur musapir balilar. 2015-Yili yanwar. Oqurmen teminligen

tayland-musapir-uyghur.jpg

Tayland musapirlar lagéridiki Uyghur musapirlar. 2015-Yili yanwar. Oqurmen teminligen

tayland-musapir-uyghur-1.jpg

Tayland musapirlar lagéridiki Uyghur musapirlar. 2015-Yili yanwar. Oqurmen teminligen

tayland-musapir-lagir-uyghur.jpg

Tayland musapirlar lagéridiki Uyghur musapirlarni közitiwatqan apparat. 2015-Yili yanwar. Oqurmen teminligen

tayland-musapir-lagiri-merkizi.jpg

Tayland musapirlar lagérining aldi körünüshi. 2015-Yili yanwar. Oqurmen teminligen

Ötken yili 12-ayning eng axirqi heptiside 3 yashliq musapir bala abdullaning taylandtiki bir doxturxanida 53 kün yalghuz yétip alemdin ötkenliki xewer qilin'ghan idi.

Bu weqe bir tereptin minglighan insanlarning yürek-qelbini ezgen bolsa, yene bir tereptin tayland türmiliride yillarche qamilip yatqan yüzligen musapirlarning échinishliq ehwalini ashkara qildi.

Undaqta, bu dunyaning héch bir xowluqini körmigen, éghir késelge giriptar bolghan 3 yashliq sebiy bala abdulla yat eldiki natonush insanlar arisida hayatining eng axirqi 53 künini qandaq ötküzdi? bu jeryanda uninggha insaniy méhir-muhebbet yetküzgenler bolghanmu? uning méyiti biwasite uruq-tughqanliri bolmighan ehwalda wetinidin yiraq bir tupraqta qandaq uzitildi?

Türkiyede yashighuchi Uyghurlardin abdulqadir tumtürk ependi bu jeryanlargha özi biwasite qatnashqan shahitlardin biridur. U bu heqte radi'omiz ziyaritini qobul qilip, merhum abdullaning ölümi we uninggha munasiwetlik tepsilatlar heqqide uchur berdi.

U ziyaritimiz jeryanida özining eyni chaghda 3 yashliq abdullaning ölüm xewirini bangkokta turup anglighanliqini we derhal taylandning jenubigha atlinip, muzlitish sanduqigha sélip qoyulghan jesetni tunji bolup körgenlikini bayan qildi.

Abdulqadir tumtürk öz bayanlirida yene tayland musulmanliridin bolghan bir doxtur ayalning 3 yashliq abdullagha 53 kün hemrah bolup qarighanliqini, gerche bu ayal bashqa bir tilda sözleydighan bir musulman bolsimu, lékin musapir bala abdullagha anilargha xas méhir-muhebbitini yetküzgenlikini alahide tekitlep ötti.

U öz bayanlirida yene, téxi bala turupla musapirchiliqning éghir qismetlirini béshidin köchürgen 3 yashliq abdullaning qandaq qilip ata-anisidin ayrilghanliqini we hayatining axirqi künliride ata-ana we tughqanliri bolmighan bir shara'itta u dunyagha seper qilghanliqini chongqur échinish ilikide bayan qildi.

Abdulqadir tumtürk merhum abdullaning jinaza namizigha taylandtiki 200 din artuq yerlik musulmanning qatnashqanliqini we uning méyitining taylandning jenubidiki xatyay shehirige qarashliq bir yéza qebristanliqigha yerlikke qoyulghanliqini bildürdi.

Axirida u abdulla hayat waqtida doxturxanida 53 kün uninggha hemrah bolghan we özining aniliq méhir-muhebbitini yetküzgen taylandliq musulman ayal doxtur heqqidiki tesirlik hékayini radi'o anglighuchilargha teqdim qildi.

Tepsilatini awaz ulinishtin anglighaysiz.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.