Тәшвиқат чимпийони низам нәҗивулла бәзи дәлиллириниң тоқулма икәнликини ашкарилиди

Өткән һәптә уйғур районида өткүзүлгән әсәбийликкә қарши нутуқ сөзләш мусабиқисидә нутуқ чимпийони низам нәҗивулла вәқә садир қилғучиларниң вәқәдин кейин җазаға учриғанда қилмишиға пушман қилғанлиқини илгири сүргән вә буни испатлаш үчүн турпанда ечилған бир соттин пакит мисал кәлтүргән; кәлтүрлгән мисалда, 26 - июн лүкчүн вәқәси баш гумандариниң сот күни анисиға “4 балам йетип қалди, сизгә аманәт” дегәнликини нәқил кәлтүргән иди. У мухбиримиз билән сөһбити давамида өзиниң әслидә сот күни баш гумандарни көрмигәнликини, униң һичқандақ бир сөзини аңлимиғанлиқини, пәқәт нутқини тәсирлик қилиш үчүн мәзкур нәқилни өзи тоқуп чиққанлиқини ашкарилиди. У йәнә, баш мәһкумниң балиси бар - йоқлуқи, өйләнгән вә өйләнмигәнликидинму хәвәрсиз икәнликини ейтти.

Йоқиридики улиништин, мухбиримиз шөһрәт һошурниң бу һәқтә тәйярлиған программисини аңлаңлар.