En'gliyede Uyghurlarnimu öz ichige alghan türk dunyasi hemkarliq munbiri quruldi

Ixtiyariy muxbirimiz erkin tarim
2015-09-30
Share
engiliyede-turk-dunyasi-munbiri.jpg En'gliyede pa'aliyet élip bériwatqan türkiy milletler we ularning ammiwi teshkilatlirining mes'ulliri chaqirghan türk dunyasi hemkarliq munbiri qurulghanliqini jakarlash yighinidin kéyinki ziyapettin körünüsh. 2015-Yili 27-séntebir, en'gliye.
RFA/Erkin Tarim

En'gliyede pa'aliyet élip bériwatqan türkiy milletler we ularning ammiwi teshkilatlirining mes'ulliri 9-ayning 27-küni yighin chaqirip, türk dunyasi hemkarliq munbiri qurulghanliqini jakarlidi.

9-Ayning 27-küni axsham en'gliyening wimbledon sheher merkizidiki rosy lé'a kaféxanisida ötküzülgen yighin'gha dunyaning herqaysi jayliridin en'gliyege kélip olturaqliship qalghan türkiy milletlerdin wekiller we ammiwi teshkilat mes'ulliri qatnashqan.

Türk karxanichi türk dunyasi pa'aliyetchisi atilla abachi'oghlu ependining teshebbusi bilen bir jaygha jem bolghan ezeri, Uyghur, qirim tatarliri, özbék, girétsiyelik türkler, shimaliy sipurus türk jumhuriyiti wekilliri, shimaliy iraq we türkiyelikler qurghan ammiwi teshkilatlarning wekilliri "Tilda, pikirde we xizmette birlik" sho'ari astida türk dunyasi hemkarliq munbiri qurghanliqini jakarlighan.

www.uyghurnet.org Tor bétide 9-ayning 29-küni élan qilin'ghan xewerge asaslan'ghanda, yighinda söz qilghan atilla abaji'oghlu ependi, dunyadiki herqaysi milletler ijtima'iy, medeniy, milliy we meniwi qimmet qarashlirini qoghdash, tereqqiy qildurush we tonutushqa tirishiwatqan bügünki künde "Tilda, pikirde we xizmette birlik" sho'ari astida türkiy milletler arisidiki hemkarliqni kücheytishning ehmiyiti toghrisida toxtalghan.

Atilla abaji'oghlu ependi türk dunyasi hemkarliq munbirining qurulushidiki eng muhim meqsetlerdin birining iraqta, süriyede, qirimda, sherqiy türkistanda we dunyaning herqaysi jaylirida éziliwatqan, irqiy qirghinchiliqqa uchrawatqan türkiy milletlerge yardem qilish, ular tartiwatqan derd-elemni, insan heq we hoquqliri depsendichilikini dunya jama'etchilikige anglitish ikenlikini éytqan.

Teshkilatning re'islikige en'gliyede yashawatqan türk karxanichi atilla abaji'oghlu saylan'ghan bolup, Uyghurlargha wakaliten rexime mexmut xanim wezipe alghan.

Biz bu heqte téximu tepsiliy melumat igilesh üchün Uyghurlargha wakaliten bu yighin'gha qatnashqan rexime mexmut xanim bilen söhbet élip barduq.

U, bu yighin'gha en'gliyede yashawatqan barliq türkiy milletlerning wekillirining qatnashqanliqini, yighinda nuqtiliq halda Uyghurlar, qirim tatarliri, süriye we iraqtiki türkmenlerge qandaq yardem qilish, ular uchrawatqan insan heqliri depsendichilikini dunyagha qandaq anglitish toghrisida muzakiriler bolghanliqini, bu munberning Uyghur dewasi üchünmu paydiliq bolidighanliqini bayan qildi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet