10 Секунтлуқ көрүнүш уйғурларниң ашқун усулларда хорлиниватқанлиқини көрситип бәрди

Мухбиримиз гүлчеһрә
2018-03-08
Share
uyghur-erler-kollektip-ayallirining-putini-yuymaqta.jpg Уйғур әрлириниң рәт-рәт олтуруп аяллириниң путини дасқа чилап ююватқан көрүнүши. 2018-Йили 8-март.
Social Media

Пүтүн җаһан әһли аялларға һөрмәт билдүрүватқан "8-март хәлқара аяллар байрими" да уйғур елидин тарқалған 10 секунтлуқ бир көрүнүш уйғурларниң қәлбини пучилиди.

Келиш мәнбәси ениқ болмиған бу син көрүнүшидә уйғур әрлириниң рәт-рәт олтуруп аяллириниң путини дасқа чилап ююватқан коллектип көрүнүши көрситилгән иди. Уйғурларниң миллий өрп-адәт, яшаш усули вә әхлақий мизанлириға хилап, уйғур аяллириниң аяллиқ қәлбини пучилиса, уйғур әрлириниң ғурурини дәпсәндә қилидиған бу тәшкиллик паалийәтниң хитай даирилири тәрипидин уйғур дияриниң мәлум җайида буйруқ вә сүний көрүнүш билән мәйданға кәлтүрүлгәнлики қияс қилинмақта.

Иҗтимаий таратқуларда тез тарқалған мәзкур көрүнүшкә нисбәтән муһаҗирәттики уйғур сәрхиллири җиддий инкас қайтурди. Радийомиз зияритини қобул қилған түркийәдики уйғур шаирә нурәла гөктүрк ханим билән дуня уйғур қурултийи диний ишлар комитетиниң рәиси турғунҗан алавудун әпәндиләр хитайниң ханим қизлар байримини баһанә қилип, ашқун усулларда уйғурларниң ғуруриға һуҗум қиливатқанлиқини әйиблиди. Уларниң инкаслирини мухбиримиз гүлчеһрә тәйярлиған сөһбәттин аңлайсиләр.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт