Xitay da'irilirining chet'eldiki Uyghur pa'aliyetchilerge tehdit sélishi dawamlashmaqta

Ixtiyariy muxbirimiz éhsan
2014-09-15
Élxet
Pikir
Share
Print
4-Iyul stokholim sheher merkizide xitay xelq qurultiyi bashliqi yü jéngshéngning shiwétsiye ziyaritige qarshi namayish qiliwatqan Uyghur jama'etchiliki. 2013-Yili 4-iyun.
4-Iyul stokholim sheher merkizide xitay xelq qurultiyi bashliqi yü jéngshéngning shiwétsiye ziyaritige qarshi namayish qiliwatqan Uyghur jama'etchiliki. 2013-Yili 4-iyun.
RFA/Qutlan

Muhajirette yashawatqan Uyghurlar, xitay da'irilirining basturush siyasetlirige qarshi her xil naraziliq pa'aliyetlerni uyushturup kelgen bir peytte, Uyghur pa'aliyetchilirining pa'aliyitini ajizlashturush we yoq qilish üchün, aktip pa'aliyet qiliwatqanlarning uruq-tughqanlirini türmilerge solap, ulargha wasitilik we wasitisiz halette tehdit salmaqta.

Igilishimizche, xitay da'iriliri chet'ellerde muhajirette yashawatqan Uyghur pa'aliyetchilerning uruq- tughqanlirini tutqun qilip ular arqiliq chet'ellerdiki Uyghurlargha tehdit sélish, Uyghur pa'aliyetchilerge téléfon qilish arqiliq pa'aliyettin chékinishke qistash, teshkilat ichidiki we etraptiki kishilerning uruq ‏-tughqanlirini tutqun qilish arqiliq pa'aliyettin yiraqlashturush siyasetlirini qollan'ghanliqi melum bolmaqta.

Biz bu toghrisida téximu etrapliq ehwal igilesh üchün, shiwétsiyede pa'aliyet qiliwatqan Uyghur ma'arip uyushmisining mu'awin re'isi nijat turghunni ziyaret qilduq.

U ziyaritimizni qobul qilip, özlirining shiwétsiyediki Uyghurlarning tehditke uchrash mesililiride shiwétsiye hökümitining munasiwetlik orunliri bilen körüshkenliki toghrisida toxtaldi.

Nijat turghun yene, xitay da'iriliri eger, muhajirettiki Uyghurlarning a'ile-tawabi'atlirini qiyin-qistaqqa éliwerse, Uyghurlarni chet'ellerde xitaygha qarshi heriket qilishqa mejburlaydu, dep körsetti.

Toluq bet