Уйғур мәһбусларниң хитай түрмисидики күлпәтлири ашкариланмақта

Ихтиярий мухбиримиз оғузхан
2017-10-27
Share
turme-uyghur-siyasiy-mehbus.jpg Түрмигә елип кириливатқан уйғур сиясий мәһбуслар.
Social Media

Хитай даирилириниң бу йилниң башлиридин буян уйғур елида елип барған кәң көләмлик тутқун қилиш һәрикити давамида көплигән уйғурларниң йоқилаң сәвәбләр билән тутқун қилинип түрмиләргә ташланғанлиқи яки "йепиқ тәрбийиләш" кә әвәтилгәнлики мәлум болмақта.

Йеқинда уйғур елидин миң бир мушәққәтләр билән айрилип, голландийәгә келип йәрләшкән җүрәт әпәнди радийомиз зияритини қобул қилип, өзи көргән вә билгән әһваллардин мәлумат бәрди.

Униң билдүрүшичә, хитай даирилири тәрипидин йоқилаң баһаниләр билән тутқун қилинип, қамап қоюлған уйғурларниң нөвәттики ечинишлиқ әһвали вә түрмидә тартиватқан азаб-оқубәтлири киши ишәнгүсиз дәриҗидә еғир икән.

Җүрәт әпәндиниң билдүрүшичә, униң қейниатиси мәлум бир уйғурчә тор бәтниң техникилиқ мәслиһәтчиси болуп, у бу йил яздики тутқунда сақчилар тәрипидин тутуп кетилгән. Қамақтики бирқанчә айлиқ дәһшәтлик қийнақтин кейин униң җисманий вә роһий җәһәттики сағламлиқи зәиплишип, ахири йерим җан һаләттә аилисигә қайтурулған.

Униң баян қилишичә, қейниатиси түрмидә әйдиз вируси билән юқумланған мәһбуслар бар камирға солап қоюлған. 

Йеқинда америкаға келип йәрләшкән арман әпәндиму зияритимизни қобул қилип, өткән йилиниң ахирлиридин буян көп қисим уйғурларниң тутқун қилиниш, тәқиблиниш, тәкшүрүлүш яки "йепиқ тәрбийә" гә әвәтилиш қисмәтлиригә дуч келиватқанлиқини баян қилди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт