Xoten manglayda bir tekshürüsh ponkitidiki 5 neper xadim öltüriwétilgen

Muxbirimiz shöhret hoshur
2014.06.22
Share on WhatsApp
Share on WhatsApp
xoten-saqchilar-305.png Xitay hökümet saqchiliri xoten kochilirida
AFP

Ijtima'iy taratqulardin feysboktiki bir uchurda bayan qilinishiche, qaraqash nahiyisining manglay yézisida bir qanliq weqe yüz bérip xitay tereptin besh kishi ölgen. Bu yip uchigha asasen muxbirimiz qaraqash nahiyisining manglay yézisidiki saqchilar, kadirlar we ahalilerdin melumat soridi.

Ashkarilinishiche weqe jüme küni tang'atardin awwal yeni sa'et 3 etrapida, qaraqash baziri bilen manglay yézisi arisidiki bir tekshürüsh ponkitida yüz bergen. Melum bolushiche namelum bir guruppa kishiler awwal ponkitning sirtida muhapizette turuwatqan ikki xadimni pichaq tiqip öltürgen, andin ponkitqa bénzin töküp ot qoyghan, ponkitining ichide uxlawatqan 3 neper xadim otta köyüp ölgen. Weqeni peyda qilghuchilar, hazirghiche tutulmighan, nöwette qaraqash nahiyiside öy axturush, yol tosush qatarliq tekshürüsh xizmetliri yuqiri pellide dawam qilmaqta. Töwende muxbirimiz shöhret hoshurning bu heqte teyyarlighan programmisini anglaysiler:

Bir ijtima'iy taratqulardiki yip uchigha asasen aldi bilen manglay yéziliq saqchixanigha téléfon qilduq. Saqchi xadimi mezkur weqening mexpiy bir weqe ikenlikini tilgha élish arqiliq weqening yüz bergenlikini étirap qildi. Arqidin biz yéziliq hökümetning nöwetchi xadimigha téléfon qilduq. U weqening tekshürüsh ponkitida yüz bergenlikini, weqede ikki kishining chanap öltürülgen we 3 kishining köydürüwétilgenlikini melum qildi. Biz uningdin kéyin ahaliler we kent mes'ullirigha téléfon qilduq. Kent sékrétari, mezkur ponkitining bir témida meshning kaniyi üchün ayrilghan töshük barliqini, hujumchilarning sirttiki ikki xadimni öltürgendin kéyin ponkitning ishikini sirttin qulupliwétip andin, ene shu töshüktin ponkitining ichige bénzin tökken we arqidin uninggha ot yaqqanliqini bayan qildi.

Hörmetlik radi'o anglighuchilar, xitay metbu'atliri tünügün, qaghiliq nahiyelik j x idarisige hujum qilghan 13 hujumchining neq meydanda étiwétilgenliki we weqede xitay tereptin peqet 3 kishining yénik yarilan'ghanliqi keng kölemde xewer qilghan idi؛ emma xitay özi tereptin 5 kishi ölgen manglay weqesini aridin 3 kün ötkinige qarimay ta hazirghiche xewer qilmidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.