Хитай даирилири хотән илчида йүз бәргән йәнә бир қетимлиқ қанлиқ вәқәни йошурмақта

Мухбиримиз шөһрәт һошур
2014-11-06
Share
xoten-herbiy-saqchi-qoralliq.jpg Хитайниң хотәнгә йөткәп кәлгән қораллиқ күчлири. 2014-Йили 3-авғуст.
AFP


Мушу һәптиниң бешида уйғурчә иҗтимаий ахбарат вастлиридә хотән шәһиридә өткән шәнбә бир қанлиқ вәқә йүз бәргәнлики һәққидә учур тарқалди. Учурда баян қилинишичә, хитай сақчилири шәһәрниң топча дегән җайидики бир өйдә ахтуруш елип бериватқанда өйдә топлишип олтурған яшлар билән хитай сақчилири арисида тоқунуш келип чиққан, тоқунушта, хитай тәрәп оқ чиқирип, аз дегәндә 10 кишиниң өлүмигә сәвәб болған.

Мухбиримизниң бу һәқтики ениқлашлири давамида сақчи вә һөкүмәт хадимлири вәқәниң хотән шәһириниң илчи йеза 11 - кәнти йәни топча кәнтидә йүз бәргәнликини вә вәқәниң ақивитиниң еғир болғанлиқини ашкарилиди. Әмма улар вәқәниң тәпсилати һәққидә мәлумат бериштин өзлирини қачурди.

Мухбир: топча дегән җай хотәнниң қайси қисмиға тоғра келиду?

Нурбағ сақчиханиси хадими: шәһәрдики хәлқ мәйданиниң удули вә юқирисида.

Мухбир: өткән һәптә вәқә йүз бәргән шуму?

Хадим: буни навағ яки илчи сақчиханисидикиләрдин сораң, шулар билиду.

........

Мухбир: өткән һәптә вәқә йүз бәргән топча дегән җай силәрниң тәвәликму?

Навағ сақчиханиси хадими: у илчи сақчиханиниң тәвәлики.

Мухбир: илчи сақчиханисиниң телефонини дәп бәрсиңиз?

Хадим: буни 110 дин )җ х қоманданлиқ мәркизидин( сораң...

.......

Хадим : җ х қоманлиқ мәркизи 110...

Мухбир: топчи дегән йәр илчи сақчиханисиниң тәвәликиму?

Хадим : немә ишиңиз бар иди?

Мухбир: игиләп бақмақчи болған бир әһвал бар иди.

Хадим: буни дәп беришкә болмайду.......

..........

Мухбир: бу илчи йезилиқ һөкүмәтму?

Хадим: шундақ.

Мухбир: өткән һәптә вәқә йүз бәргән кәнт қайси кәнт?

Хадим: он беринчи кәнт.

Мухбир: топча дегән җай 11 - кәнттиму?

Хадим: шундақ, топча дегән 11 - кәнтниң атилиши.

Мухбир: вәқәдә җәмий қанчә адәм өлди?

Хадим: бундақ конкрет мәлуматларни җ х тармақлири билиду, биз билмәймиз.

Мухбир: вәқәниң баш - ахиридин хәвириңлар йоқму?

Хадим: баш - ахиридин хәвиримиз бар, әмма конкрет қанчә адәм өлүп, яриланғанлиқини биз билмәймиз.

Мухбир: вәқә йүз бәргән орун қандақ орун? өйму, кочиму, мәйданму?

Хадим: бу мәлуматлирини җ х тармақлиридин сораң....

.....

Мухбир: сиз 11 - кәнтниң секритариму?

Хадим: шундақ, мән.

Мухбир: кәнтиңиздә йүз бәргән бу қетимқи вәқә сизгә тасадипий бир вәқәдәк билиндиму яки бурундин аламәтлири болғанму?

Хадим: бу әһвални сақчи балилар яхши билиду.

Мухбир: вәқәдә өлгән, яриланған адәмниң сани қанчә?

Хадим: бу әһвалларни мән башлиқлар билән аввал бир мәслиһәтлишип андин дәп берәй....

.....

Мухбир: сиз қайси орунниң сақчиси?

Хадим: вилайәтлик сақчи башқармиси тәптиш бөлүминиң.

Мухбир: топчидики вәқәни тәкшүрүшкә бардиңизму?

Хадим: мән қатнашмидим, ишханида болдум.

Мухбир: демәк вәқәдин хәвириңиз йоқ?

Хадим: илчида иш чиқипту дәп аңлидим, тәпсилатини билмидим.

Һөрмәтлик радио аңлиғучилар, юқириқи сақчи хадими йәнә, бу қетимқи вәқәниң даирисиниң нисбәтән чоңлуқини баян қилди, әмма у даириси чоң дегән чағда өлгән адәм саниниң көплүкини яки вәқәгә четишлиқ кишиләрниң тәвәликлирини көздә тутқанлиқи мәлум әмәс. Бу вәқә һәққидә иҗтимаий ахбарат вастлиридә тарқалған учурда баян қилишичә, вәқәдә аз дегәндә 10 киши өлгән, өлгәнләр арисида үч нәпәр уйғур сақчиму бар, учурда баян қилишичә, вәқәдә өлгән уйғур сақчилири қаршлиқ көрсәткүчиләрниң пичақлиқ һуҗумида әмәс, бәлки хитай сақчилириниң қара - қоюқ оққа тутушида өлгән. Хитай сақчилириниң вәқә җәрянда уйғурларға қарита нишан таллимай оқ чиқириши техи йеқиндила йүз бәргән йәкән вә бүгүр вәқәлиридиму көрүлгән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт