Abduqadir yapchanning az dégende 20 tughqini qamaqta

Muxbirimiz shöhret hoshur
2017-07-03
Élxet
Pikir
Share
Print
(Soldin onggha) abduqadir yapchan ependi jama'et erbabi erkin aliptékin we türkiye mu'awin bash ministiri numan kurtulmush ependiler bilen Uyghurlar toghrisidiki yighinda. 2015-Yili iyul, istanbul.
(Soldin onggha) abduqadir yapchan ependi jama'et erbabi erkin aliptékin we türkiye mu'awin bash ministiri numan kurtulmush ependiler bilen Uyghurlar toghrisidiki yighinda. 2015-Yili iyul, istanbul.
RFA/Arslan

Muxbirimizning ötken heptidiki éniqlishi dawamida türkiyede qamaqtiki Uyghur pa'aliyetchi abduqadir yapchanning yéngisheherning yapchan yézisidiki yéqin-uruq tughqanlirining pütünley türmide ikenliki ashkarilan'ghan idi.

Muxbirimizning ilgirilep éniqlishi dawamida abduqadir yapchanning a'ilide yalghuz oghul ikenliki, türmide yétiwatqanlarning bolsa yapchanning newre akisi we uning perzentliri, shundaqla ayalining qérindashliri bolup az dégende 20 kishi ikenliki éniqlandi.

Qeshqer yéngisheherning yapchan bazirigha qarita élip barghan téléfon ziyaretlirimiz dawamida, türkiyede qamaqtiki Uyghur pa'aliyetchi abduqadir yapchanning yurtidiki uruq-tughqanlirining pütünley türmide ikenliki ashkarilan'ghan idi. Emma kent sékrétarliri yapchanning nöwette türmide yétiwatqan uruq-tughqanlirining kimlikliri heqqide melumat bérelmigen idi.

Bügün yapchandin téléfonimizni qobul qilghan, abduqadir yapchan a'ilisini yéqindin bilidighan, emma awazini ashkarilashni xalimaydighan bireylen, bu heqte melumat berdi. Uning déyishiche abduqadir yapchan a'ilide yalghuz oghul bolup u 3 yash waqtida dadisi wapat bolghan؛ anisi 2015 ‏-yili köz yumghan. Nöwette uning ana tereptin newre akisi memtimin yunus we uning ekberjan qatarliq 18 yashtin ashqan 5 neper oghul-qizi؛ dada terep taghisi hashim toxtining muhemmed imin, mahmutjan, toxtiqari, ayshemgül we patigül qatarliq 6 neper oghul- qizi؛ ayal tereptin qéyin singlisi xeyrigül, qéyin inisi mexmut qari we ularning joriliri bolup az dégende 20 kishi türmide iken.

Kent sékrétarliri bu uchurlarning toghriliqi heqqide melumat bérishtin ret qilghandin kéyin abduqadir yapchanning nöwette türkiyede yashawatqan yurtdishi abdusalam ependidin abduqadir yapchanning yurtidiki tughqanliri we ularning ehwali heqqide melumat soriduq. U yapchandiki özini ashkarilashni xalimighan kishi bergen melumatlarning toghriliqini delillidi.

Yuqirida türkiyede qamaqtiki Uyghur pa'aliyetchi abduqadir yapchanning qeshqer yéngisheherdiki newre we baja tughqanliridin az dégende 20 kishining türmide ikenliki heqqide melumat berduq.

Toluq bet