بۈگۈن 12-نويابىر ئامېرىكىدىكى ئۇيغۇرلار خىتاينىڭ ۋاشىنگتوندا تۇرۇشلۇق ئەلچىخانىسى ئالدىدا نامايىش قىلىپ، خىتاي ھۆكۈمىتىنىڭ ئۇيغۇر ئېلىدىكى سىياسىتىگە نارازىلىق بىلدۈردى. بۇ پائالىيەتنى ئامېرىكا ئۇيغۇر جەمئىيىتى ۋە خەلقئارا ئۇيغۇر كىشىلىك ھوقۇق-دېموكراتىيە فوندى ئۇيۇشتۇرغان.
نامايىش دۇنيا ئۇيغۇر قۇرۇلتىيىنىڭ رەئىسى رابىيە قادىر خانىمنىڭ نۇتقى بىلەن باشلاندى. دۇنيانىڭ ھەر قايسى جايلىرىدىن كېلىپ نامايىشقا قاتناشقان دۇنيا ئۇيغۇر قۇرۇلتىيىنىڭ مەسئۇللىرى ئارقا - ئارقىدىن نۇتۇق سۆزلەپ، خىتاي دائىرىلىرىنىڭ ئۇيغۇر خەلقىگە يۈرگۈزۈۋاتقان يوقىتىش خاراكتېرىدىكى سىياسەتلىرىنى ئەيىبلىدى.
شۇ كۈنى نامايىشتىن ئاۋۋال ئۇيغۇرلار ئامېرىكا دۆلەت مەجلىسى بىناسىدا توپلىنىپ، قەشقەرنى مەركەز قىلغان شەرقىي تۈركىستان ئىسلام جۇمھۇرىيىتى ۋە غۇلجىنى مەركەز قىلغان شەرقىي تۈركىستان جۇمھۇرىيىتى قۇرۇلغانلىقىنىڭ 80 ۋە 69 يىللىقىنى خاتىرىلىگەن ئىدى.
تەپسىلاتىنى يۇقىرىدىكى ئاۋاز ئۇلىنىشىدىن ئاڭلىغايسىلەر.