ئاۋسترالىيەنىڭ ئادىلايد شەھىرىدە جۇمھۇرىيەت بايرىمى خاتىرىلەندى
2013.11.19
ئىككى قېتىم قۇرۇلغان شەرقىي تۈركىستان جۇمھۇرىيەتلىرىنىڭ خاتىرە كۈن پائالىيىتىدىن كۆرۈنۈش. 2013-يىلى 17-نويابىر، ئاۋسترالىيە.
RFA/Abide
17-نويابىر كۈنى ئاۋسترالىيەنىڭ ئادىلايد شەھىرىدىكى ئۇيغۇرلار جەم بولۇپ، شەرقىي تۈركىستان ئاۋسترالىيە جەمئىيىتىنىڭ ئورۇنلاشتۇرۇشى بىلەن ئىككى قېتىم قۇرۇلغان شەرقىي تۈركىستان جۇمھۇرىيەتلىرىنىڭ خاتىرە كۈنى پائالىيىتى ئۆتكۈزدى.
بۇ پائالىيەتكە شەرقىي تۈركىستانلىقلار ۋە جەنۇبىي ئاۋسترالىيە شتاتلىق ھۆكۈمىتىنىڭ ۋەكىللىرى، پارلامېنت ئەزالىرى ھەمدە قارشى پارتىيە ۋەكىللىرى قاتناشتى.
پائالىيەت يۈسۈپجان قارىمىنىڭ قۇرئان تىلاۋەت قىلىشى، ئاۋسترالىيە ھەم شەرقىي تۈركىستان دۆلەت مارشنى ئورۇنلاش بىلەن باشلاندى. بۈگۈنكى بۇ پائالىيەتنىڭ مېھمانلىرى بولغان جەنۇبىي ئاۋسترالىيە ھۆكۈمىتىنىڭ ۋەكىلى، پارلامېنت ئەزالىرىدىن تونى زەپىيا ئەپەندى، دەيۋىد پىسۇينى ئەپەندى، فرانسىز بەدۇرد خانىم، لىبى ھويگارس خانىم قاتارلىقلار، شەرقىي تۈركىستان ئاۋسترالىيە جەمئىيىتىنىڭ رەئىسى ئابدۇلغوپۇر مۆمىن ئەپەندىلەر تەكلىپ بىلەن سۆزگە چىقىشتى.
خىزمەت ئۈچۈن سەپەر تەييارلىقى كۆرگەن، ئالدىراش تۇرۇپمۇ بۈگۈنكى پائالىيەتكە ئالاھىدە ۋاقىت چىقىرىپ قاتناشقان توينى زەپىيا ئەپەندى سۆز قىلدى.
جەنۇبىي ئاۋسترالىيە ئۇيغۇر تىلى مەكتىپى ئوقۇتقۇچىلىرى ۋە ئوقۇغۇچىلىرىمۇ بۇ پائالىيەتكە نومۇرلارنى تەييارلاپ كەلگەن بولۇپ، ئۇلار ئۆزلىرىنىڭ نەپىس ئۇسسۇللىرى، ۋەتەن توغرىلىق شېئىر، نەسىر، دىكلاماتسىيەلىرى بىلەن پائالىيەتكە قاتناشقان مېھمانلارنىڭ قەلبىنى لەرزىگە سالغان بولسا، «تەڭرىتاغ ئانىلار گۇرۇپپىسى» دىكى خانىملار تەييارلىغان ئوخشىغان ئۇيغۇر تائاملىرى بىلەن پىشۇرۇقلىرى پائالىيەت كەيپىياتىنى يەنە بىر پەللە يۇقىرى كۆتۈردى.
پائالىيەتتىن كېيىن زىيارىتىمىزنى قوبۇل قىلغان شەرقىي تۈركىستان ئاۋسترالىيە جەمئىيىتىنىڭ رەئىسى ئابدۇلغوپۇر مۆمىن ئەپەندى ئۆز تەسىراتىنى ئوتتۇرىغا قويدى.
پائالىيەتكە قاتناشقان مېھمانلار پائالىيەتتىن كىيىن زىيارىتىمىزنى قوبۇل قىلدى.
باشتىن-ئاخىرى ئىنتايىن جانلىق ھەم قىزغىن كەيپىياتتا ئېلىپ بېرىلغان بۇ پائالىيەت چۈشتىن كېيىن سائەت 3 تە باشلىنىپ سائەت 6 دە ئاياغلاشتى.
كۆپ كۆرۈلگەن خەۋەرلەر
RFA
- ئەركىن ئاسىيا رادىيوسىنىڭ مەشغۇلاتى فېدېراتسىيە مەبلىغىنىڭ كېسىلىشى بىلەن توختىشى مۇمكىن
- ئاقسۇدا روزىدارلارنىڭ روزىسىنى بۇزۇش ياكى روزا تۇتۇشقا ئىمكان قويماسلىق ئۈچۈن ئاھالىلەر مەجبۇرىي ئەمگەككە سېلىنغان
- تۇرغۇنجان ئالاۋۇدۇن ب د ت دا ئۇيغۇر ئىرقىي قىرغىنچىلىقى ۋە خىتاينىڭ دىنىي باستۇرۇشلىرىنى ئەرەب تىلىدا ئوتتۇرىغا قويدى
- ئەنگلىيەلىك يۇتۇبېر كۆرگەن تاقاقلىق مەسچىتلەر ۋە روزا تۇتۇش چەكلەنگەن ئۇيغۇرلار ۋەزىيىتى دىققەت قوزغىدى
- مۇتەخەسسىسلەر: «ئۇيغۇر ئېلىدىكى يۇقۇملۇق كېسەللىكلەرنىڭ ئالدىنى ئېلىش بازىسى لوپنۇردىكى يادرو سىناق بازىسىغا ئوخشاپ كېتىدۇ»