Шәрқ коммунистик әмгәкчиләр университети - москваниң идийиви тәрбийә мәркизи

Мухбиримиз үмидвар
2013.05.06
sovet-305.png Русийә болшевиклар партийисиниң орғақ вә болқа бәлгиси
Public Domain

Русийә болшевиклар партийиси мәркизий комитетиниң 1921 - йили, 10 - феврал күнидики қарари вә русийә совет сотсиялистик федератип җумһурийити пүтүн русийә мәркизий иҗраийә комитетиниң 21 - април күнидики пәрманиға асасән 1921 - йили, 21 - өктәбир күни москвада совет русийисидики милләтләр вә башқа асия милләтлиридин келип чиққан коммунистик инқилаб рәһбәрлири вә һәрбий - сиясий кадирлирини тәрбийиләш шуниңдәк совет иттипақиниң дуняви тәсирини ашуруш үчүн мәхсус университет - шәрқ коммунистик әмгәкчиләр университети қурулди.

Бу университет таки 1938 - йилиғичә 18 йил давамлишип, дуня коммунистик инқилаби рәһбәрлири вә совет иттипақиниң һәр қайси милләт сиясий кадирилирини йетиштүрди. Мәзкур университетни пүттүргәнләр өз мәмликәтлиридә коммунистик инқилаб вә миллий азадлиқ һәрикәтлиригә йетәкчилик қилип, кейинки вақитларда өз мәмликәтлириниң даһийлириға айланди.

Москва мана бу университетта 1920 - 1930 - йиллирида қисим уйғурларниму тәйярлиған болуп, уларниң бир қисими 1930 - вә 1940 - йиллардики миллий инқилабқа қатнашти һәм йетәкчилик қилди.

Совет иттипақи мәхсус гоминдаң вә компартийә үчүнму айрим университет қурған һәмдә 1920 - 1930 - йиллири арисида 3 миңдин артуқ гоминдаң вә компартийә һәрбий - сиясий рәһбири кадирини тәрбийиләп, хитайға әвәткән иди.

Тәпсилатини өз мухбиримиз умидвардин аңлаң.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.