Qazaqistandiki Uyghurlar milliy örp-adetler heqqide köp oylanmaqta

Melumki, ottura asiyada yashawatqan Uyghurlar uzun esirlerdin buyan özlirining milliy örp-adetlirini rawajlandurushqa, ewladlirining qelbige milliylikni singdürüshke, shuning arqiliq özlirini millet süpitide saqlap qélishqa tiriship kelgen.

Yerlik Uyghurlarning pikirlirige qarighanda, yetmish yildin oshuq waqit mabeynide höküm sürgen sowét idé'ologiyisi dewridimu ular bu mesilige alahide ehmiyet bergen. Qazaqistan musteqilliqqa érishkendin kéyin, öz ma'aripini, medeniyitini, sen'itini, edebiyatini téximu keng da'iride terghib qilish mumkinchilikliri peyda bolghan bolsimu, waqitning ötüshi bilen bu yönilishte tughuluwatqan bezi mesililer bu yerdiki Uyghurlarni endishige salmaqta. Shularning biri toy-tökünlerde milliy resim-qa'idilerning saqlinish mesilisidur.

Bu heqte extirim exmetowa, abduxaliq mahmudof, tashgül héziyarowa we aztékin ibrahimoflar öz qarashlirini otturigha qoydi.