سېيىت نادىر ئەپەندى: ئابدۇللا تىمەن بىزگە «بوۋاڭلارنىڭ ئىنتىقامىنى ئېلىڭلار» دەپ تەلىم بەرگەن

مۇخبىرىمىز شۆھرەت ھوشۇر
2015-08-31
Share
seyit-abdullaxan-abla-tumen-bilen-bille-teywen-taiwan.jpg سېيىت نادىر ئەپەندىنىڭ دادىسى سېيىت ئابدۇللاخان(سولدا) مەشھۇر سىياسىي شەخس، سابىق گومىنداڭ قانۇن پالاتا ئەزاسى ئابدۇللا تىمەن بىلەن بىللە.
RFA

ئىيوردانىيەلىك ئۇيغۇر سودىگەر سېيىت نادىر ئەپەندى مۇخبىرىمىز بىلەن سۆھبىتىنىڭ بۈگۈنكى قىسمىدا، تەيۋەندىكى 3 يىللىق ئوقۇش ھاياتى ھەققىدە توختالدى.

ئۇنىڭ دېيىشىچە، مەكتەپنىڭ نامى جۇڭگولۇق مۇھاجىرلار ئوتتۇرا مەكتىپى، ئەمما مەكتەپتە ئۆتۈلىدىغان دەرس ۋە مەشغۇلاتلار ھەربىي تەلىماتقا ئائىت. سېيىت نادىر ئەپەندىنىڭ ئەسلىشىچە، تەيۋەندىكى مەشھۇر ئۇيغۇر سىياسىي ئەربابلىرىدىن ئابدۇللا تىمەن، مەزكۇر مەكتەپتىكى ئۇيغۇر ئوقۇغۇچىلارنى زىيارەت قىلغان چېغىدا مەكتەپتە ياخشى ئوقۇپ پۇرسىتى كەلگەندە يۇرتىغا قايتىشقا ۋە ئاتا-بوۋىلىرىنىڭ قىساسىنى ئېلىشقا دەۋەت قىلغان.

مۇخبىرىمىز بۇ پروگراممىسىنىڭ داۋامىدا ئابدۇللا تىمەن قاتارلىق كىشىلەرنىڭ سىياسىي كىملىكى ھەققىدە دوكتور قاھار بارات ئەپەندىنىڭ قاراشلىرىنى سورىدى. قاھار بارات ئەپەندى، گومىنداڭنىڭ تەركىبىدىمۇ قىممەتلىك ئۇيغۇر زىيالىيلىرى ۋە سىياسىي ئەربابلىرىنىڭ بولغانلىقىنى، ئۇلارنىڭ ھاياتى ھەققىدە ئىزدىنىش ۋە تەتقىقاتنىڭ زۆرۈرلۈكىنى تەكىتلىدى.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت