Шиветсийәдики уйғурлар норуз байримини бирликтә тәбриклиди

Ихтиярий мухбиримиз еһсан
2017-03-27
Share
shiwetsiye-noruz-mehman.jpg Шиветсийәдики уйғурлар норуз байримини бирликтә тәбриклиди. 2017-Йили 26-март.
RFA/Éhsan

Шиветсийәдики уйғурлар шиветсийәдә паалийәт қиливатқан уйғур комитетиниң орунлаштуруши билән, 26-март күни ситокһолмниң тениста районидики кутупхана паалийәт залида бирликтә норузни тәбриклиди.

Паалийәткә шиветсийәдики уйғур комитетиниң тәклипи билән түркийә, қазақистан, германийә, голландийә, норвегийә қатарлиқ дөләтләрдин зиярәт үчүн кәлгән дуня уйғур қурултийиниң шу йәрдә турушлуқ муавин рәис вә тәшкилат башлиқлири һәмдә шиветсийәдики уйғурлардин болуп 200 дин артуқ киши қатнашти.

Паалийәт алди билән уйғур комитетиниң рәиси абдушүкүр самсақниң тәбрик сөзи билән башланди, башқа дөләтләрдин кәлгән меһманларму айрим тәбрик сөзи сөзлиди вә өзлири турушлуқ дөләтләрдики уйғурларниң салимини йәткүзди.
Норуз паалийити наһайити җушқун кәйпият ичидә өтти, өсмүрләр раван уйғур тилида абдухалиқ уйғурниң “ойған” намлиқ шеирини, абдуреһим өткүрниң “из” намлиқ шеирини декламатсийә қилди.

Норуз паалийитигә кәлгән меһманлардин, кундузай ханим елип кәлгән “норуз кәлди” дегән шеир көпчиликниң алқишиға еришти.

Норвегийәдә турушлуқ аваз артистлиримиздин сираҗидин фәтқулла әпәнди тәрипидин җараңлиқ оқулған норуз қошиқи меһманларни һаяҗанға салди.

Паалийәт ахирида биз, паалийәткә қазақистандин келип қатнашқан, дуня уйғур қурултийиниң муавин рәиси қәһриман ғоҗамбәрдини зиярәт қилдуқ. Зияритимизни қобул қилған қәһриман ғоҗамбәрди әпәнди өзиниң бүгүнки норуз паалийити һәққидики тәсиратини баян қилди.

Бүгүнки норуз паалийитини уюштурған уйғур комитетиниң рәиси абдушүкүр самсақ паалийәтниң яхши өткәнликини баян қилди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт