Shiwétsiyediki Uyghuristan meshripi saxawet ishlirida ülge bolmaqta

Shwétsyede pa'aliyet qiliwatqan “Uyghuristan meshripi”diki yashlar saxawet ishlirini dawamlashturmaqta.

Igilishimizche, “Uyghuristan meshripi” dikiler ottura asiya döletliridin köchmen bolup kelgen Uyghur yashlardin teshkil tapqan iken. Ular nechche yildin buyan izchil halda her xil saxawetlik pa'aliyetlerni dawamlashturup kelmekte.

Bu yil ramzan mezgilide, bu meshrep yashliri etrapidiki Uyghurlarni seperwer qilip ularning bergen zakat we fitire bolup 23 ming körün pulini tayland we türkiyediki éhtiyajliq qérindashlargha yetküzgen.

Bu qétimliq qurban héytta bolsa yene, qurbanliq qilishni niyet qilghan Uyghurlardin yighilghan 21 ming körünni shiwétsiyediki sherqiy türkistandin kelgen Uyghurlarning yighqan 29 ming körün puli bilen qoshup, türkiyede bu pulgha 27 dane qoy élip qurbanliq qilghan. Uning göshlirini shu yerdiki tayland we malayshiyadin kelgen Uyghurlargha teqsim qilip bergen.

“Uyghuristan meshripi”diki yashlar ötken yili xeyri-saxawet ishliri üchün 10ming dollar i'ane qilghan idi.

Uyghuristan meshripining yigit béshi daniyar ziyaritimizni qobul qilip, bu heqtiki so'allirimizni jawablandurdi.

Shiwétsiyede yashawatqan minewer xanim “Uyghuristan meshripi” diki saxawetchi yashlar heqqide toxtilip, ularning qiliwatqan pa'aliyetliridin shiwétsiyediki barliq Uyghurlarning söyün'genlikini hemde qollap quwwetligenlikini bayan qildi.