Xitay-yapon urushi mezgilidiki mexpiy “Z” yoli

1937-Yili, 7-ayning 7-künidiki lugochaw weqesidin kéyin yaponiye-junggo urushi resmiy bashlandi. Yaponiye armiyisi keng kölemde shimaliy junggogha hujum bashlidi. Lugochaw weqesi yüz bérip, 44 kündin kéyin, yeni 1937-yili, 8-ayning 21-küni sowét ittipaqi bilen junggo arisida öz'ara “Hujum qilmasliq shertnamisi” imzalandi.

Ene shuningdin kéyin junggo hökümiti sabiq sowét ittipaqining yardimige ériship, yapon'gha qarshi urushni dawamlashturdi. Gomindangning yapon'gha qarshi urushida Uyghur éli chong arqa sep bolghan hemde sowét ittipaqidin junggogha toshulidighan qoral-yaraqlar Uyghur diyari arqiliq yetküzülgen idi. Sowét ittipaqi mezkur qoral-yaraq toshush yolini  mexpiy türde “Z” yoli dep atighan bolup, yéqindin buyan rusiye alimliri bu heqte köplep maqaliler élan qildi.

Sowét ittipaqi qurghan mezkur “Z” yoli xitayning 1937-1941-yilliri arisida yaponiye armiyisige taqabil turushidiki “ Qutquzghuchi” liq rolini oynighan idi.