Д у қ афғанистанға вәкил әвәтип у йәрдики уйғур көчмәнлириниң әһвалини игилиди

Мухбиримиз шөһрәт һошур
2015-10-05
Share
omer-ugyhur-wexpi-omerjan-duq-wekili.jpg Уруш районлирида яшаватқан уйғур муһаҗирларниң әһвалини ениқлаш вә тегишлик ярдәмдә болуш үчүн, афғанистанға әвәтилгән д у қ вәкили, өмәр уйғур вәхпиниң мәсули өмәрҗан. 2015-Йили өктәбир.
Photo: RFA

Мәлум болушичә, уруш районлирида яшаватқан уйғур муһаҗирларниң әһвалини ениқлаш вә тегишлик ярдәмдә болуш дуня уйғур қурултийиниң нөвәттики хизмәт пиланлириниң бири; шуңа қурултай өткән һәптә пакистанда паалийәт елип бериватқан өмәр уйғур вәхпиниң мәсули өмәрҗанни афғанистанға әвәткән.

Қурултай вәкили өмәрҗан 5 күндин буян кабул вә мазар шериптики уйғурлар билән учришип, қурултайниң орунлаштурмилирини иҗра қилмақта. Өмәр уйғур вәхпиниң катипи әкбәрҗанниң мухбиримизға баян қилишичә, өмәрҗан афғанистандики уйғур муһаҗирларниң омуми сани, нөвәттики тинч-аманлиқи вә асаси қийинчилиқи һәққидә тәкшүрүш елип бармақта.

Йәнә мәлум болушичә, қурултай вәкилиниң тәшәббуси вә тәшкиллиши билән муһаҗир уйғурлардин көп тиллиқ вә алий мәлуматлиқ әкбәрҗан мәрин афғанистандики иккинчи әвлад уйғур муһаҗирларниң мәсули қилип қилип тәйинләнгән. Кабул қатарлиқ уйғур муһаҗирлар нисбәтән көпрәк җайларда уйғур ана тил мәктипи ечишниң асасини турғузуш, қурултай вәкилиниң бу қетимқи хизмәт нишанлиридин бири.

Қурултай вәкили өмәрҗан афғанистан зиярити һәққидә мухбиримизниң зияритини қобул қилип, бу һәқтә тәпсилий мәлумат бәрди.

Аваз улинишидин тәпсилатини аңлиғайсиләр.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт