“вәтәнпәрвәр” диний зат абдулла нураҗи йәттә яшлиқ балиниң өлүми һәққидә мәлумат бәрди (3)

Мухбиримиз шөһрәт һошур
2013.04.16
Share on WhatsApp
Share on WhatsApp
xumdan-305.png Хумдан
Public Domain

Ашкарилинишичә, пичанда йүз бәргән 7 яшлиқ уйғур балиниң 52 яшлиқ хитай күчмән тәрипидин чанап өлтүрүлүш вәқәсидә, даириләр җәсәтни әсли қияпитини өзгәртип, йәни вәқәниң ечинишлиқ җәрянини йошурған һаләттә өлгүчи аилисигә тапшурған.

Төвәндә вәқә һәққидики мана мушуниңға охшиған йәнә бир қисим тәпсилатлар һәққидә аталмиш вәтәнпәрвәр диний зат абдулла нураҗиниң еғизидин мәлумат алдуқ.

Мәлум болушичә, җәсәт вәқә йүз берип 9 саәттин кейин өлгүчи аилисигә тапшурулған. Җәсәтни көрүп ғәзәп-нәприти партлиған кишиләр арисидики яшлар, болқа вә тоқмақлар билән хумдан әтрапидики хитайларниң өйлиригә һуҗум қилса, чоңлар, җәсәтни көтүрүп үрүмчигә апириш вә дөңбаза алдида намайиш қилишқа урунған. яшлар сақчилар тәрипидин тутқун қилинип, чоңлар аталмиш диний зат вә хитай секретар тәрипидин пәнд-нәсиһәт вә вәдә билән пәскойға чүшүрүлгәндин кейин, җамаәт мәсилини қануний йол билән һәл қилишниң койиға чүшкән. Улар сотта испат көрситиш вә зөрүр тепилса вәқәни хәлқараға ашкарилап, дуня җамаитиниң диққитини тартиш үчүн җәсәтни әсли қияпити бойичә рәсимгә алған йәни җәсәтниң тикилгән қисимлирини сүкүп, әсли һалити бойичә видиоға алған. Аилиниң вәқәни хәлқараға ашкарилаш нийитидин хәвәр тапқан хитай даирилири, дәрһал диғарниң вә униңға қошна икки йезиниң телефон вә интернет мулазимитини кесивәткән. Абдулла нураҗиниң йәнә ашкарилишичә, бала баш тәрипидин чаналған вә бир қолиниң 4 бармиқи кесиветилгән. Өлгүчи аилә-тавабиатлири шу кечиси балиниң чаналған бармақлирини айрим халтида көтүрүп йүрүп йиғлап һаз ачқан вә “мушундақму вәһшийлик боламду” дәп зарлиған.

Йәнә мәлум болушичә, нөвәттә хитай даирилири қатил хитайниң нерва кесәл икәнликини тәшвиқ қилип, кишиләрниң ғәзипини бесишқа вә исянниң тәкрар баш көтүрүшиниң алдини елишқа тиришмақта.

Юқирида 7 яшлиқ уйғур балиниң 52 яшлиқ хитай көчмән тәрипидин чанап өлтүрүлүш вәқәси һәққидә аталмиш вәтәнпәрвәр диний зат абдулла нураҗи бәргән мәлуматларниң ахирқи қисмини диққитиңларға сундуқ.

Тәпсилатини юқиридики аваз улинишидин аңлиғайсиләр.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.